Esteri 3:2 - Bhiblia Yo Sawuleka

² Se sotshe sithumi sa mfumeli, sile si nga ti ha txikeni ka mfumeli, si ti nama si khizama masoni ka Hamani; nguko a ti wombisile toneto mfumeli ngu Hamani; kambe Mordhekayi asi nami hambi kukhizama.

Esteri 3:2 Referans Kwoze

Vafilipiya 2:10

kufela ku, ha ditinani ka Jesu, otshe mazolo ya vale va ku txitimwi nzumani ni ya vale va ku ha mafuni, ni ya vale va ku hahatshi ka mafu, me mu khizamela;

Masalmo 15:4

awule a solako ava vo biha, aniko a txi dhunda avale va thavako Mkoma; awule a mahako ti a nga thembisa, hambi ene a txi luzekelwa;

Esteri 5:9

Sekoko ka ditshiku dile Hamani a to huma a di tsakile kambe a di ni mtamo; kambe mbimo yile Hamani a nga wona Mordhekayi ha txikeni ka mfumeli, na asi khukhi hambi ku ti zinginisa masoni kwakwe, sekoko Hamani a to tala ngu kuhenyela Mordhekayi.

Esteri 3:5

Ngako Hamani a di woni koko ti to Mordhekayi kha nami, kambe kha mkhizami masoni kwakwe, Hamani a to tala ngu kuhenya.

Esteri 3:1

Msana keto, timhaka, mfumeli Asuwero a to kulisa Hamani, mwana Hamedhata, muagagi, se e m'guleta; e m'veka ka wukhalo txitimwi ka votshe vathangeli vale a nga ti navo.

Esteri 2:21

Ka masiku oneyo, na Mordhekayi a di khalahatshile ha txikeni ka mfumeli, mithenwa yimbidi ya mfumeli, ya vawoneleli va txike, Bhigitani ni Teresi va to henya ngutu, se ve lavetela kudaya mfumeli Asuwero.

Esteri 2:19

Sekoko mbimo yile mahorana o tuma ma nga sengeletwa ka wumbidi, Mordhekayi a ti ti khalahatshile ha txikeni ka mfumeli.

1 Samuwele 15:3

Tsula koko, konkuwa, u ya xasela Vaamaleki, u onhetela sotshe si va ku naso, u nga vatsetse; aniko u na daya vavamna ni vavasikati, vafana ni vanana va ha tshumbuni, tihomu ni tinvuta, makamelu ni timbongola.

Dhewuteronome 25:19

Ngu toneto, mbimo yi Mkoma, Txizimu txako, a no kuninga kuhumula, a txi kuhulukisa, ka votshe valala vako, avale va ku randelako, ka ditiko dile Mkoma, Txizimu txako, a no kuninga kasi ku u txi di teka di txi maha thomba yako, u fanete kufuvisa ditina da Vaamaleki, hahatshi ka nzuma. U nga divale, ati ni mi gelako.

Eksodha 17:16

Se a txi khene: “Nguku dianza dakwe di nga wukela Mkoma. Mkoma a na maha yimbi yo wukela Amaleki ka liveleko ni liveleko.”

Eksodha 17:14

Sekoko Mkoma a to womba ka Mosi a txi khene: “Bhala timhaka tiya amu ka dibhuku kasi ku ti maha txialakanyiso, u gela Joxuwa tito, ni na lovisa maalakanyo a Amaleki, hahatshi ka nzuma.”

Genesisi 41:43

A to maha ti to Josefa e kwela ka txikotxikani dakwe da wumbidi a nga ti ti nado, na ku txi huwelelwa masoni kwakwe, va txi kha vona: “Abreki” Khizamani. Ngu toneto, Josefa a to vekwa e mahwa mthangeli wa ditiko dotshe da Egipta.

Esteri 2:5

Sekoko ku ti ti ni wamwamna wa Mujudha mkhokholani ka Susani, ditina dakwe i nga ti Mordhekayi, mwana Jayiri, mwana Simeyi, mwana Kisi, wamwamna wa ka Bhenjamini,

Esteri 3:3

Sekoko sithumi sa mfumeli, sile si nga ti ha txikeni ka mfumeli, si to kha sona ka Mordhekayi: Ngu kutxani u ndaka mlayo wa mfumeli kani?

Dhaniyeli 2:49

Se Dhaniyeli a to kombela ka mfumeli ku e veka Xadreke, Mixake ni Abhedhi-Nego kuva vathangeli va mabhindu a ditiko da Bhabhilona, aniko Dhaniyeli a to zumba ka sike sa mfumeli.