Esteri 3:12 - Bhiblia Yo Sawuleka

¹² Sekoko vamabhalani va mfumeli va to dhanwa ngu mtxima wo khata, ka ditshiku da digumi ni mararu, se ve ta bhala madingano ni totshe tile Hamani a nga ruma tona ka vathangeli va mfumeli, ni ka vathangeli va matiko a hombe, ni ka vathangeli va vathu ni vathu; se ditiko dimwani ni dimwani da hombe madingano ni mabhalelo a dona, ni ka vathu ni vathu madingano ni lidimi lawe; ti to bhalwa ngu ditina da mfumeli Asuwero, ti tsaniswa ngu phera ya mfumeli.

Esteri 3:12 Referans Kwoze

1 Vafumeli 21:8

Sekoko Jezabheli a to bhala mapapilo ngu ditina da Akabe, se a txi ma lema ngu txitambu txakwe, e rumela mapapilo ale ka madhota ni vahombe va nga ti ti ho didhoropani kwakwe, kambe va nga ti zumba ni Nabhote.

Esteri 1:22

Sekoko mfumeli a to rumela mapapilo ka otshe matiko a hombe a mfumeli, ka ditiko dimwani ni dimwani da hombe ni mibhalo ya dona, ni ka vathu vamwani ni vamwani ngu lidimi lawe: Taku wamwamna mmwani ni mmwani a na fumele nyumba yakwe; ni ku eto ti na ziviswe ka votshe vathu, madingano ni lidimi la mmwani ni mmwani.

Dhaniyeli 6:15

Se vavamna vale va to tsula votshe ka mfumeli, va txiya kha vona: Tizive awe mfumeli taku, mlayo wa Vamedhi ni Vapersa, ngu ti to ni txa tximwetxo txileleto mwendo txirumo txi tsaniswako ngu mfumeli, kha txi dingani kutxitxwa.

Dhaniyeli 6:12

Sekoko va to ya ti kombekisa ka mfumeli, va txi kha vona: Madingano ni mlayo wa wukoma, ina khwa sayina txileleto txaku, ni wuhi wule a no maha txikombelo ka txizimu txokari, mwendo ka m'thu wokari, mndani ka magumi mararu a masiku, na i si nga kwako, awe mfumeli, a na rinzwa diphalani ka tingonyamo kani? Mfumeli a to xamula, a txi khene: Mhaka yiya yi tsani, madingano ni mlayo wa Vamedhi ni Vapersa, wu si dinganiko kutxitxwa.

Dhaniyeli 6:8

Konkuwa koko, awe mfumeli, tsanisa txileleto, u sayina mibhalo, kasiku txi si txitxwi, madingano ni mlayo wa Vamedhi ni wa Vapersa, wu si dinganiko kutxitxwa.

Esteri 9:27

Vajudha va to tsanisa vona ni mbewu yawe, ni votshe vale va sengelako kumweko navo ti to kha va na mbi leka kuxayisa masiku ale amambidi, madingano ni tile ti nga bhalwa ngu mhaka yawe, ni mbimo ya kona yile yi nga emiswa, ka otshe malembe;

Esteri 8:2

Se mfumeli a to thavisa phera yakwe, yile a nga ti yi tekile ka Hamani e ninga Mordhekayi. Esteri a to veka Mordhekayi kuva mthangeli wa nyumba ya Hamani.

Ezra 8:36

Sekoko txileleto txa mfumeli txi to gelwa vaxayisi va wukoma, ni ka vafumeli va mtxhatuko ka mnambo; va to vhuna vathu ni Nyumba ya Txizimu.

Esteri 3:11

Se mfumeli a txi khene ka Hamani: Ni kuninga silivhela yiya ni vathu vava, kasi ku u maha ngu vona, ati ti tsakisako masoni kwako.

Dhaniyeli 3:10

Awe mfumeli u humisile mthetho waku votshe vathu vale va no pfa diguwa da mpundu, ni da txitende, ni da dikhombela, ni da ngoma, ni da totshe tixaka ta sivetaveta, va na khizame ve khozela txithombe txa nzalama;

Dhaniyeli 6:25

Sekoko mfumeli Dhariyo a to bhalela vathu va tixaka totshe, matiko ni vathu va tidimi to hambanelana, va zumbako kotshe ha mafuni, a txi khene: “Kudikha ku na ande hagari kwanu!”