Esteri 3:1 - Bhiblia Yo Sawuleka

¹ Msana keto, timhaka, mfumeli Asuwero a to kulisa Hamani, mwana Hamedhata, muagagi, se e m'guleta; e m'veka ka wukhalo txitimwi ka votshe vathangeli vale a nga ti navo.

Esteri 3:1 Referans Kwoze

Mitengo 24:7

Mati ma na khulunga ngu mabhaketi akwe, mbewu yakwe yi na nakaniswa ngu mati amangi. Mfumeli wakwe a na va wa hombe kupinda Agage. Mfumo wakwe wu na va ni mtamo.

Dhaniyeli 6:2

se txitimwi kwawe a to veka vathangeli vararu, mmweyo wawe i ti ti Dhaniyeli, ati taku vafumeli va na yisa mibiko ka vona, kasiku mfumeli asi kanganyiswi ngu txilo.

Esteri 5:11

Se Hamani a to va xawutela wudhumo wa tithomba takwe, ni kutala ka vanana vakwe, ni totshe tile mfumeli a ngadi mkulisile ka tona, ni tile a nga ti m'guletisile tona txitimwi ka vathangeli, ni ka sithumi sa mfumeli.

Esteri 3:10

Sekoko mfumeli a to thavisa phera ya manzani kwakwe e ninga Hamani, mwana Hamedhata, muagagi, mlala wa Vajudha.

1 Samuwele 15:33

Aniko Samuwele a to khene: Kufana ni kule ditxhari dako di nga dayela vanana va vavasikati, ngu kumaha keto mwamwako nene a na dawa mwanana wakwe kufana ni vona. Sekoko Samuwele a to gangela Agage masoni ka Mkoma, kona Giligali.

Genesisi 41:40

Awe u na va mthangeli wa nyumba yangu, ni vathu vangu votshe va na fumwa ngu milayo yako, ani ngu mhaka ya txikhunja txangu txa wukoma, ni va ni di wa hombe kwako.

Mavingu 29:2

Mbimo yile va kulako vale vo lulama, vathu va tsaka, se i ti muonhi a tongako, ditiko da xomuleka.

Masalmo 12:8

Vabihi va rendelekela ka otshe makhalo, na wubihi wu txi dhumiswa ngu vathu va ha mafuni.

Esteri 8:3

Esteri a to womba kambe masoni ka mfumeli a txi ti wisa mikondoni kwakwe; se a to dila e kombela ti to wu si maheki wubihi wa Hamani, Muagagi, ni txikungo txile a nga ti natxo txo lava kudaya Vajudha.

Esteri 7:6

Se Esteri a to khene: M'thu, mxanisi ni mlala ngene m'bihi wuwa Hamani! Sekoko Hamani a to dhuka masoni ka mfumeli ni ka msikati wa mfumeli.

Esteri 1:14

se vale va nga ti ti thumisana nayo ngu vava: Karisena, Setari, Adhimata, Tarxixi, Meresi, Marisena, Memukani, mtxhanu wa vathangeli ni vambidi va Vaperesi, ni va Vamedhi, vale va nga ti wona khohe ya mfumeli, ni kukhalahatsha kumweko nayo ha mfumoni)

Ezra 7:14

Eko u rumwa ngu mfumeli ni madhota akwe a mtxhanu ni mambidi, kuya maha bhalela kona Judha ni Jerusalema, madingano ni Mlayo wa Txizimu txako, wu ku manzani kwako.

1 Samuwele 15:8

Se a to ñola Agage, mfumeli wa Vaamaleki; kambe votshe vathu a to va lovisa ngu ditxhari.

Genesisi 41:55

Mbimo yi ditiko dotshe da Egipta di nga maneka di txi xupheka ngu nzala, vathu va to ya dila ka Faro, va txi ya kombela sakudya; se Faro a to khene ka votshe Vaegipta: “Tsulani ka Josefa, ni tihi ti a no mi gela, mahani.”

Ekleziyaste 10:6

Txiphukuphuku va txi khalahatshisa ka makhalo o guleka ngutu, aniko vanyatithombe va khalahatshile ka wukhalo wa hahatshi.