Esteri 2:9 - Bhiblia Yo Sawuleka

⁹ Se dihorana di woneka di ti tshurile masoni kwakwe, se a to mana dithomo masoni ka mfumeli; se e kuluveta e mninga sa ku ti tshurisela ngu sona, ni sakudya sa kona, e mninga kambe mtxhanu wa mahorana ni mambidi a txithavo a nyumbani ka mfumeli; e mrurisa ni mahorana akwe e m'yisa ka wukhalo wo tshura ngutu, wa nyumbani ka vavasikati.

Esteri 2:9 Referans Kwoze

Mavingu 16:7

Ngako tinzila ta m'thu ti txi tsakisa Mkoma, a maha taku m'thu e mana kuthutha ni valala vakwe.

Genesisi 39:21

Mkoma a ti ti kumweko ni Josefa, a txi telwa ngu wumbilu ngu ngene, a txi maha ti to e mana mathomo, masoni ka mxayisi wa mkora.

Esteri 2:12

Se ku di hokile mbimo yaku dihorana dimwani ni dimwani di txi ya ka mfumeli Asuwero, msana ka kuva ku di mahilwe mmweyo ni mmweyo madingano ni mlayo wa vavasikati, mndani ka digumi da mtxima ni yimbidi, (nguko ti txi mahiswa tona eto ka masiku a ku ti basisa kwawe, mtxhanu wa mitxima ni wumwewo va txi tola mafura a mira, ni mtxhanu wa mitxima ni wumwewo va txi tola mafura o bhumula, ni sitola-tola simwani sa ku ti basisa ka vavasikati),

Esteri 2:3

Se mfumeli a na veke mthangeli ka otshe matiko a hombe a mifumo yakwe, ti to ve sengeleta otshe mahorana a timbiri, a txiemo txo tshura, mkhokholani ka Susani, nyumbani ka vavasikati, hahatshi ka dianza da Hegayi, mthenwa wa mfumeli, muwoneleli wa vavasikati, kambe va na ningwe sa ku ti tshurisela ngu sona.

Dhaniyeli 1:9

Txizimu txi to maha ti to Dhaniyeli e mana dithomo ni wumbilu masoni ka mthangeli wa mithenwa.

Ezra 7:6

Ezra wuwa a to kwela ngu Bhabhilona; kambe i ti mabhalani wamnene wa Mlayo wa Mosi, wo ningwa ngu Mkoma, Txizimu txa Israyeli; kuve dianza da Mkoma, Txizimu txakwe, di ti ti txitimwi kwakwe, mfumeli a mningile sotshe sile a nga ti ti mkombela.

Mithumo 7:10

Txi to m'hulukisa ka otshe makhombo akwe, txi mninga kateko ni wuzivi masoni ka Faro, mfumeli wa Egipta; se ene mfumeli a mmahile mfumeli wa Egipta ni wa yotshe nyumba yakwe.

Masalmo 106:46

Ngu toneto, a mahile ti to va ka Israyeli ve pfelwa wusiwana ngu vale va nga va maha tikhumbi.

1 Vafumeli 8:50

kambe divalela vathu vako, ngako va di kuonhete ka otshe mazumbelo awe aawa va nga ma hambanisa kwako; va mahele wumbilu masoni ka vale va nga va maha tikhumbi, kasi kuve va pfela wusiwana.

Nehemiya 2:8

ni papilo yo ya ka Asafe, muwoneleli wa thembwe ya mfumeli, kasi ku a na ni ninga tiphande to aka ngu tona sike sa mkhokhola, ni ta diguma da didhoropa, ni ta nyumba yi ani ni no zumba ka yona. Se mfumeli a to ni ninga, madingano ni wunene wa dianza da Txizimu, txitimwi kwangu.

Esteri 5:2

Se ku to maheka taku, mfumeli a di woni msikati wakwe Esteri, a di emile mu ka muhubhe, wamsikati a to mana dithomo masoni ka mfumeli; kambe mfumeli a to xungameta Esteri ngu ndonga ya nzalama, a ngadi nayo manzani kwakwe, se Esteri a to tshuketa eya gwesa tshoka ya ndonga.

Genesisi 39:4

Josefa a to mana kusizeka masoni ka Potifari, se e mahwa txithumi txa kuthumela ene. Potifari a mmahile mthangeli wa nyumba yakwe, ni wa sotshe si si nga ti mlumba.