Esteri 2:23 - Bhiblia Yo Sawuleka

²³ Va to xolisisa mhaka, se yi maneka ti to yi tsani; ngu wumbidi wawe va to hayekwa ve txikitwa. Eto ti bhatwe ka dibhuku da matimu, masoni ka mfumeli.

Esteri 2:23 Referans Kwoze

Esteri 10:2

Se yotshe mithumo ya mtamo wakwe, ni lisima la kona, ni kutsaniswa ka wuhombe wa Mordhekayi, awule a nga kuliswa ngu mfumeli, ina ti nga va ti sa bhalwa amu ka dibhuku da matimu a vafumeli va Medhiya ni va Persiya kani?

Genesisi 40:22

kasi ngu didhawa da mthangeli wa vabhiki va mapawu, Faro a to rumela ti to e txikitwa, nga ti Josefa a nga txhamuselisa tona, mloro wa yona.

Genesisi 40:19

mndani ka masiku mararu, Faro a na kuwila msungo wako, a txi kuhayeka txitimwi ka mndonga, se sinyana si txi ta jokotela nyama yako.”

Malakiya 3:16

Sekoko avale va thavako Mkoma, mmwani ni mmwani wa womba-womba ni mkwawe; se Mkoma wa riya nzeve a txi engisela; mwendo kubhatwe dibhuku da syalakanyiso masoni kwakwe, di lumbako vale va thavako Mkoma, ni vale va alakanyako ditina dakwe.

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

Esteri 5:14

Sekoko msikati wakwe Zeresi ni votshe vangana vakwe va to kha vona kwakwe: Ku na kelelwe phande ya kulapha ka mtxhanu wa magumi a mikono, se mangwana na gela mfumeli taku Mordhekayi e txikitwa ka yona, sekoko u wulela u di tsakile ni mfumeli ka m'buso wa hombe. Se txikungo etxo txi wonekile i di txatxinene ka Hamani, a to rumisa ti to yi kelelwa phande.

Joxuwa 8:29

Se a to tshongisa mfumeli wa Ayi aha ka phande, kala ni minova; se di ti swite ditambo, Joxuwa a to leleta taku, ku txi thaviswa txirumbi ha phandeni; va txi txi rinza txidingeni ka didhoropa, se va to sengeleta mmumbu wa hombe wa marigwi txitimwi ka txirumbi, kala ka ditshiku da nyamsi.

Esteri 6:1

Ka wona wusiku wule wawumwewo, mfumeli a to gumelwa ngu wukohe; sekoko, e rumisa kuve mnehela dibhuku da matimu, di ta gondwa masoni ka mfumeli.

Ezra 4:15

Ati to ku na xolwe ka dibhuku da matimu a vatate vako, emo ka dibhuku da matimu, u na tiziva konemo ti to didhoropa dile ndo akwa ngu kanu, do wukela vafumeli ni matiko a hombe a mndani ka ditiko, niku kuve ni kuwukelwa ka dona ka timbimo ta kale.