Esteri 2:22 - Bhiblia Yo Sawuleka

²² Kambe mhaka yi to ziwa ngu Mordhekayi, se ene eya gela mfumeli wa txisikati Esteri, Esteri a to ya zivisa mfumeli, ngu ditina da Mordhekayi.

Esteri 2:22 Referans Kwoze

Vafilipiya 2:4

Kha kulaveki ti to mmwani ni mmwani a txi khatalela si i ku sakwe dwe, aniko mmwani ni mmwani a na khatalele ni sa vamwani.

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

Ekleziyaste 10:20

U nga ruketele mfumeli, hambi ngu mapimo ako, nikakudotho u nga ruketele nyatithombe, hambi u di nyumbani kwako; nguko sinyana sa nzumani si nga rwala mhaka ya kona, se sile si ku ni tibhapi si nga ya hangalasa mhaka.

Esteri 7:9

Sekoko Haribhona, mmweyo wa mithenwa yile yi nga ti thumela mfumeli, a to khene: Wonani, phande ya mtxhanu wa magumi a mikono ya kulapha, yile Hamani a nga ti ti yi kelelete Moridhekayi, yile a nga zivisa mfumeli, yi hafuhi ka m'ti wa Hamani. Sekoko mfumeli a to khene: Mtxikiteni ka yona ene Hamani.