Esteri 2:18 - Bhiblia Yo Sawuleka

¹⁸ Sekoko, mfumeli a to ramba votshe vathangeli, ni sithumi sakwe, kuta m'busoni ka Esteri; se matiko a hombe a to ma ninga kuhumula, ni siningo madingano ni zumbelo ya mfumeli.

Esteri 2:18 Referans Kwoze

Mtuletelo 19:9

Ngelozi yi to ni gela yi txi kha yona: Bhala u txi khawe: “Va katekile avale va nga dhanelwa m'buso wa mtxhadho wa Txinvutana.” Yi engeta yi txi kha yona: “Aawa ngu ona mapswi a ditshuri a Txizimu.”

Mtuletelo 11:10

Vaaki va ditikonimo va na tsaka ngu toneto, va na giya ve ningana siningo, nguko vaprofeti vava vavambidi va ti ti xanisile vaaki va ditikodo.

Luka 14:8

“Ngako u txi dhanelwa m'buso wa ntekano, u nge ya langa wukhalo wa masoni; a nga thuka a di rambilwe mmwani wa kuxonipheka kupinda awe;

Matewu 22:2

“Mfumo wa nzumani wu fananiswa ni mfumeli wokari, a nga lulamisa m'buso wa mtxhadho wa mwanana wakwe wa dijaha.

Ndando ya Tindando 5:1

Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

Ndando ya Tindando 3:11

Anu vanana vamahorana a Siyoni, humani mi ya wona mfumeli Solomoni, ni m'bhoti wu a nga ambekwa ngu mwamwakwe, ditshiku dile a nga ya lowola ngu dona, ngu ditshiku da kutsaka ka hombe ka mbilu yakwe.

Esteri 9:22

i ku masiku ale Vajudha va nga mana kuhumula ka valala vawe, ni mtxima wule ku nga hunduluswa kuxaniseka kwawe kumaha kutsaka, ni txidilo txi nga maha ditshiku da kuhumula; kasi ku me maha masiku a mibuso ya hombe, ni a kutsaka, ni a kurumelelana siningo, ni kuvhuna sisiwana.

Esteri 1:7

Se va ti ti ningela sa kusela ngu mu ka magombe a nzalama, na i di magombe o hambana mamwewo ni mamwani; kambe ku ti ti ni vhinya yayingi, madingano ni zumbelo ya mfumeli.

Nehemiya 8:11

Se Valevhi va to malata votshe vathu, va txi kha vona: Malalani, nguko ditshiku diya ndo sawuleka; ngu mhaka yeto, mi nga ti xaniseni.

1 Samuwele 25:8

Wotisa ka vafana vako va na kugela; sekoko vafana vava va na mane dikato masoni kwako, nguko hi tile ngu ditshiku da dinene; Ninga koko, ka sithumi sako ni ka mwanako Dhavhidha asi u no si mana manzani kwako.

Genesisi 29:22

Sekoko Labhani a to ramba vathu va wukhalowo, e va mahela m'buso.

Marku 6:21

Kambe di to hoka ditshiku da dinene, ahawa Herodha a nga mahela tinganakana takwe ni tinduna ta yimbi, ni va hombe va Galileya, m'buso wa kualakanya ditshiku da kuvelekwa kwakwe.