Esteri 2:15 - Bhiblia Yo Sawuleka

¹⁵ Se ku di hokile koko mbimo ya Esteri, mwana Abhiyayeli, tatanyani wa Mordhekayi (awule a nga wunja Esteri kota mwanana wakwe), ya kuya ka mfumeli, kha kombela txilo hahanze ka tile a nga gelwa ngu Hegayi, mthenwa wa mfumeli, muwoneleli wa vavasikati; kambe Esteri a ti ti mana dithomo ka votshe vale va nga ti ti muwona.

Esteri 2:15 Referans Kwoze

Ndando ya Tindando 6:9

Aniko txituvana txangu njimwetxo, wa kwa mbi na txionho, ngene ekha ka mame wakwe, txirandwa txa wule a nga m'veleka; Ngako mahorana ma txi mu wona, va m'dhana ku wu wo kateka, vafumeli va txisikati ni vavasikati vavadotho va na m'dhumisa.

Esteri 2:3

Se mfumeli a na veke mthangeli ka otshe matiko a hombe a mifumo yakwe, ti to ve sengeleta otshe mahorana a timbiri, a txiemo txo tshura, mkhokholani ka Susani, nyumbani ka vavasikati, hahatshi ka dianza da Hegayi, mthenwa wa mfumeli, muwoneleli wa vavasikati, kambe va na ningwe sa ku ti tshurisela ngu sona.

Mithumo 7:10

Txi to m'hulukisa ka otshe makhombo akwe, txi mninga kateko ni wuzivi masoni ka Faro, mfumeli wa Egipta; se ene mfumeli a mmahile mfumeli wa Egipta ni wa yotshe nyumba yakwe.

Esteri 9:29

Msana keto, msikati wa mfumeli ene Esteri, mwana Abhiyayeli, ni Mordhekayi, Mujudha, va to bhala ngu mtamo wotshe kasi kutsanisa da wumbidi dipapilo diya da Purimi.

Ndando ya Tindando 8:10

Ani ni diguma, titshumbu tangu, ti fana ni sidingililelo sa dona; masoni kwakwe ni fana ni wule a manako kudikha.

Esteri 2:14

ni minova di ti ti wulela, ni mixo di tshumelela ka nyumba ya wumbidi ya vavasikati, hahatshi ka dianza da Sahagazi, mthenwa wa mfumeli, muwoneleli wa vasikati vakwe vavadotho; asi tshumeli kambe eya ka mfumeli, hahanze ka kuva mfumeli a di mnavete, e tshumela e m'dhana ngu ditina dakwe.

Esteri 2:16

Ngu kumaha keto, Esteri a to yiswa ka mfumeli Asuwero, nyumbani ka wukoma, ngu mtxima wa wugumi, i ku mtxima wa tebhete, ka dilembe da wutxhanu ni mambidi a kufuma ka Asuwero.

Esteri 8:1

Ka dona ditshiku dile da dimwedo, mfumeli Asuwero a to ningela nyumba ya Hamani, mlala wa Vajudha, ka msikati wa mfumeli ene Esteri; se Mordhekayi a to ta masoni ka mfumeli, nguko Esteri a ti ti wombile ka mfumeli ti to Mordhekayi dixaka dakwe.

Mavingu 15:33

Kuthava Mkoma i gondo ya wutxhari, se masoni ka kudhundeka, ku ni kutiveka hahatshi.