Esteri 2:14 - Bhiblia Yo Sawuleka

¹⁴ ni minova di ti ti wulela, ni mixo di tshumelela ka nyumba ya wumbidi ya vavasikati, hahatshi ka dianza da Sahagazi, mthenwa wa mfumeli, muwoneleli wa vasikati vakwe vavadotho; asi tshumeli kambe eya ka mfumeli, hahanze ka kuva mfumeli a di mnavete, e tshumela e m'dhana ngu ditina dakwe.

Esteri 2:14 Referans Kwoze

Esteri 4:11

Sotshe sithumi sa mfumeli ni votshe vathu va matiko a hombe a mfumeli, va tiziva kha kwati ti to ni wihi wamwmna mwendo wamsikati a wulelako ka mfumeli, mndani ka mtendela wa mndani, na a sa dhanwa, a veketwe mlayo wumwewo, wa kufa, hahanze ko mfumeli e m'guletela ndonga ya nzalama, kasi ku e hanya; se ani, ka masiku awa a magumi mararu, kha ni dhanwi kasi kuwulela ka mfumeli.

Isaya 45:4

Ngu kuranda txithumi txangu Jokobe, ni Israyeli, msawulwa wangu, ani kwako, ni na kudhana ngu ditina dako; ni ku ningile txibongo txako, hambi ku u nga si ni zivi.

Isaya 43:1

Se konkuwa, kuwomba Mkoma, wule a nga kuvanga, awe Jakobe, kambe a nga kuwumba awe Israyeli, a khene: U nga thave, nguko ani ni ku tirute; ni kudhani ngu ditina dako; awe u wangu.

Dhewuteronome 21:14

Se ku txi maheka ti to u si tsakiswi ngu ngene, awe u na mleka a txi ti tsulela a di txhatxhekile, aniko u nga mxavise ngu kulava male, u nga mahe dibhindu ngu mtamo wakwe, msana ka kuva u di m'wisile tingana.”

Genesisi 34:19

Dizambi diya di to kuluveta kumaha ati ti nga kombelwa, nguko di ti ti mranda ta tinene Dhina, mwana Jakobe, wa dihorana; hahanze keto, Sikemi i ti wo thembeka ngutu hagari ka wotshe m'ti wa tate wakwe.

Esteri 2:13

se ngu mamahelo awa koko, dihorana di ti ti wulela ka mfumeli; di ningwa sotshe si di si lavako kasi kuhuma naso ngu nyumbani ka vavasikati diya naso nyumbani ka mfumeli;

Esteri 2:15

Se ku di hokile koko mbimo ya Esteri, mwana Abhiyayeli, tatanyani wa Mordhekayi (awule a nga wunja Esteri kota mwanana wakwe), ya kuya ka mfumeli, kha kombela txilo hahanze ka tile a nga gelwa ngu Hegayi, mthenwa wa mfumeli, muwoneleli wa vavasikati; kambe Esteri a ti ti mana dithomo ka votshe vale va nga ti ti muwona.