Esteri 2:12 - Bhiblia Yo Sawuleka

¹² Se ku di hokile mbimo yaku dihorana dimwani ni dimwani di txi ya ka mfumeli Asuwero, msana ka kuva ku di mahilwe mmweyo ni mmweyo madingano ni mlayo wa vavasikati, mndani ka digumi da mtxima ni yimbidi, (nguko ti txi mahiswa tona eto ka masiku a ku ti basisa kwawe, mtxhanu wa mitxima ni wumwewo va txi tola mafura a mira, ni mtxhanu wa mitxima ni wumwewo va txi tola mafura o bhumula, ni sitola-tola simwani sa ku ti basisa ka vavasikati),

Esteri 2:12 Referans Kwoze

Isaya 57:9

Se uya ka mfumeli ni mafura, kambe wa andisa mafura ako o bhumula; wa rumela sirumwa sako si txi ya kule, kambe wa va ruma kala Xeyoli.

Mavingu 7:17

ni tshatshete ditaho dangu ngu mira, mafura ni kinamomo.

Ndando ya Tindando 3:6

I mani wu a kwelelako ngu txiwulani, kufana ni tiphande ta wutshi, a bhumulako mira ni dibaselo, ni tixaka ta totshe tipowa to bhumula kani?

Esteri 2:3

Se mfumeli a na veke mthangeli ka otshe matiko a hombe a mifumo yakwe, ti to ve sengeleta otshe mahorana a timbiri, a txiemo txo tshura, mkhokholani ka Susani, nyumbani ka vavasikati, hahatshi ka dianza da Hegayi, mthenwa wa mfumeli, muwoneleli wa vavasikati, kambe va na ningwe sa ku ti tshurisela ngu sona.

Esteri 2:9

Se dihorana di woneka di ti tshurile masoni kwakwe, se a to mana dithomo masoni ka mfumeli; se e kuluveta e mninga sa ku ti tshurisela ngu sona, ni sakudya sa kona, e mninga kambe mtxhanu wa mahorana ni mambidi a txithavo a nyumbani ka mfumeli; e mrurisa ni mahorana akwe e m'yisa ka wukhalo wo tshura ngutu, wa nyumbani ka vavasikati.

Esteri 2:11

Se ditshiku dimwani ni dimwani Mordhekayi a ti pinda-pinda ngu masoni ka diguma da nyumba ya vavasikati, kasi kuziva kuhanya ka Esteri, ni kuziva ti ti no maheka kwakwe.

Esteri 2:13

se ngu mamahelo awa koko, dihorana di ti ti wulela ka mfumeli; di ningwa sotshe si di si lavako kasi kuhuma naso ngu nyumbani ka vavasikati diya naso nyumbani ka mfumeli;

Isaya 3:24

Se ku na maheka taku, wukhaloni ko bhumula, ku nava ni kununga; se wukhaloni ka libhande, ku nava ni ngoti; wukhaloni ka misisi, ku na maneka tipala; wukhaloni ka syambalo sa mibuso, ku na ambalwa masaka; wukhaloni ka kutshura ngutu, ku nava ni sibawa so hiswa ngu mndilo.