Esteri 10:3 - Bhiblia Yo Sawuleka

³ Nguko Mujudha wule Mordhekayi, mbwa wumbidi msana ka mfumeli Asuwero, kambe mbwa hombe ka Vajudha, a txi tsakelwa ngu dibutho da vanawe, a txi lava ti to va ka kwawe ve mahelwa wunene, ni kuthumela ku dotshe ditiko dakwe di mana kuhumelela.

Esteri 10:3 Referans Kwoze

Nehemiya 2:10

Se mbimo yile Sambalati, Muhoroni, ni Tobhiya txithumi, Muamoni, va nga pfa ti to ku ni m'thu wokari, a telako ku ta vhuna vanana va ka Israyeli, va to karateka ngutu.

Varoma 14:18

Nguko awu a thumelako Kristu ngu nzila yiya, wa tsakisa Txizimu, na a txi dhundeka ka vathu.

Varoma 10:1

Vanathu, kuxuva ka mbilu yangu ni mikombelo yi ni va mahelako ka Txizimu vanana va ka Israyeli, ngu ti to ve hanyiswa.

Dhaniyeli 5:29

Sekoko Bhelxazari a to leleta ti taku Dhaniyeli e ambekwa nguwo yo bhilivila, ni liketani la nzalama mkoloni kwakwe, ve zivisa ti taku ngene a no maha mfumeli wa wuraru wa mfumo.

2 Makronika 28:7

Se Zikiri, ndena ya ka Efrayime, a to daya Mahaseya, mwana mfumeli, ni Azirikami, mxayisi wa thomba, ni Elikana, m'vhuni wa mfumeli.

Genesisi 41:40

Awe u na va mthangeli wa nyumba yangu, ni vathu vangu votshe va na fumwa ngu milayo yako, ani ngu mhaka ya txikhunja txangu txa wukoma, ni va ni di wa hombe kwako.

Dhaniyeli 5:16

Ani koko, ni pfite ti taku awe wa sikota kutxhamusela ni kuthavisa kukanakana; se konkuwa, u txi sikota kugonda mibhalo yiya ni ku ni gela txhamuselo ya yona, wu na ambekwa nguwo yo bhilivila, ni liketani la nzalama mkoloni kwako, se u na va mfumeli wa wuraru amu ka mfumo wangu.

Esteri 3:2

Se sotshe sithumi sa mfumeli, sile si nga ti ha txikeni ka mfumeli, si ti nama si khizama masoni ka Hamani; nguko a ti wombisile toneto mfumeli ngu Hamani; kambe Mordhekayi asi nami hambi kukhizama.

1 Samuwele 23:17

a txi khene kwakwe: U nga thave, nguko dianza da tate wangu Sawule kha di na mbi kumana; aniko awe u na fuma txitimwi ka va ka Israyeli, se ani ni na va wa wumbidi kwako; ngu ti nene tate wangu Sawule a ti zivako.

Dhaniyeli 6:3

Sekoko Dhaniyeli wuwa a ti pinda vathangeli ni vafumeli, nguko kwakwe ku ti ti ni moya wa wunene; se mfumeli a to pimisa ku m'veka kuva mthangeli txitimwi ka wotshe mfumo.

Genesisi 45:10

Mi na ya zumba Goseni, hafuhi ni nani, awe, ni vanana vako, ni vatukulu vako, tinvuta tako ni tihomu tako, ni sotshe si si kulumbako.

Genesisi 45:11

Koneyo ani ni nata kuxayisa, nguko paya yi ngadi yi txi na vaho amu ka mtxhanu wa malembe, kasiku u si zumbi wusiwanani, awe ni ngamu yako, ni sotshe si si kulumbako.

1 Samuwele 18:16

Kambe votshe va ka Israyeli ni va ka Judha vi ti randa Dhavhidha, nguko i ti mthangeli wo tsana.

Esteri 2:5

Sekoko ku ti ti ni wamwamna wa Mujudha mkhokholani ka Susani, ditina dakwe i nga ti Mordhekayi, mwana Jayiri, mwana Simeyi, mwana Kisi, wamwamna wa ka Bhenjamini,