Esteri 10:2 - Bhiblia Yo Sawuleka

² Se yotshe mithumo ya mtamo wakwe, ni lisima la kona, ni kutsaniswa ka wuhombe wa Mordhekayi, awule a nga kuliswa ngu mfumeli, ina ti nga va ti sa bhalwa amu ka dibhuku da matimu a vafumeli va Medhiya ni va Persiya kani?

Esteri 10:2 Referans Kwoze

Esteri 8:15

Sekoko Mordhekayi a to khukha masoni ka mfumeli a di ambate syambalo sa wukoma sa mkuxe ni so basa, kambe a di ni m'bhoti wa hombe wa nzalama, ni dijasi da linyu yo hehuka da txiwunguwungu, se didhoropa da Susani di to kwangula di tsaka.

Esteri 9:4

Nguko Mordhekayi i ti ti wa hombe nyumbani ka mfumeli, ni wudhumo wakwe wu pfate ka otshe matiko a hombe; nguko wamwamna wule Mordhekayi a ti ti ya masoni ngu kukula.

Esteri 2:23

Va to xolisisa mhaka, se yi maneka ti to yi tsani; ngu wumbidi wawe va to hayekwa ve txikitwa. Eto ti bhatwe ka dibhuku da matimu, masoni ka mfumeli.

Esteri 6:1

Ka wona wusiku wule wawumwewo, mfumeli a to gumelwa ngu wukohe; sekoko, e rumisa kuve mnehela dibhuku da matimu, di ta gondwa masoni ka mfumeli.

Dhaniyeli 2:48

Sekoko mfumeli a to kulisa Dhaniyeli, e mninga siningo sasingi sa hombe, e m'veka kuva mfumeli wa ditiko dotshe da Bhabhilona, ni kuva mfumeli wa hombe wa totshe titxhari ta Bhabhilona.

Masalmo 18:35

Mkoma, awe wa ni ninga txitxhavangu txako txa ku ni vhikela, wa ni setela ngu dianza dako da txinene ni wunene wako wu ni ningile kuzumbiseka.

1 Vafumeli 22:39

Kasi ngu kutala ka mithumo ya Akabe, ni totshe ti a nga maha, ni nyumba yile a nga yi aka ngu makwasa a tinzofu, ni otshe madhoropa a nga aka, ina mwendo kha ta bhalwa ka dibhuku da matimu a vafumeli va ka Israyeli kani?

1 Vafumeli 14:19

Kasi ngu didhawa da yimwani mithumo ya Jerobhowamu, ati a nga lwisa tona ni ti a nga fumisa tona, totshe ti bhatwe amu ka Dibhuku da Matimu a Vafumeli va Israyeli.

1 Vafumeli 11:41

Se ngu wungi wa mithumo ya Solomoni, ni totshe tile a nga maha, ni wutxhari wakwe, ina kha sa bhalwa amu ka dibhuku da matimu a Solomoni kani?

Esteri 8:2

Se mfumeli a to thavisa phera yakwe, yile a nga ti yi tekile ka Hamani e ninga Mordhekayi. Esteri a to veka Mordhekayi kuva mthangeli wa nyumba ya Hamani.