Esteri 1:17 - Bhiblia Yo Sawuleka

¹⁷ Nguko mahungu awa ma nga mahwa ngu mfumeli wa txisikati, ma na hoka ka votshe vavasikati, aha ka kuva na eyisa vamna vawe, ngako ku txi na wombwa taku: Mfumeli Asuwero a rumile kudhana mfumeli wa txisikati Vhasta kuta masoni kwakwe, kambe Vhasta khata.

Esteri 1:17 Referans Kwoze

Vaefesu 5:33

Ngu toneto, mmweyo ni mmweyo wanu, ngu kwakwe, a fanete kuranda msikati wakwe, nga ti a ti randisako tona ene apune; nene wamsikati e xonipha mwamna wakwe.

2 Samuwele 6:16

Se ku to maheka taku, va txi wuleta dibhokiso da Mkoma Didhoropani ka Dhavhidha, Mikali, mwanana wa dihorana wa Sawule, a to solela ngu ha ka difasitela, se e wona mfumeli Dhavhidha a txi ndaka-ndaka e sinya masoni ka Mkoma, a to mbwambwa ngu mbiluni kwakwe.

Ezra 4:6

Se hahatshi ka kufuma ka Asuwero, ngu kukhata kwakwe kufuma, va to bhala tximangalo txo wukela vazumbi va ditiko da ka Judha, kona Jerusalema.

Esteri 1:16

Sekoko Memukani a to khene masoni ka mfumeli ni ka vathangeli: Mfumeli wa txisikati Vhasta kha onhela mfumeli dwe, aniko a onhete votshe vathangeli, ni votshe vathu va otshe matiko a hombe a mfumeli Asuwero.

Esteri 1:18

Se ka dona ditshiku diya da dimwedo, vasikati va vathangeli va Persiya, ni va Medhiya, va na womba toneto ni vona ka votshe vathangeli va mfumeli, mbimo yi va na pfa ti ti nga mahwa ngu mfumeli wa txisikati; ngu mhaka yeto, ku nava ni txieyiso txa hombe ni kuhenyisana.