Esteri 1:13 - Bhiblia Yo Sawuleka

¹³ Sekoko mfumeli a to wotisa ka titxhari tile ti nga tiziva timbimo (nguko ti txi mahiswa toneto timhaka ta mfumeli, masoni ka votshe vale va nga tiziva mlayo ni fanelo;

Esteri 1:13 Referans Kwoze

1 Makronika 12:32

ka vanana va ka Isakari, vathu vo ziva timbimo, kasi kuziva ti Israyeli a nga ti fanela kumaha, i ti ti 200 wa vathangeli ni votshe vanawe, va nga tiengisa dipswi dakwe;

Dhaniyeli 2:2

Se mfumeli a to dhana titxhari, ni vahuti, ni vanyatixolwe, ni va Vakaldheya kasiku ve ta txhamusela mfumeli, mloro wakwe; se vona va to ta tikombisa masoni ka mfumeli.

Jeremiya 10:7

Awe Mfumeli wa matiko, i mani asi ku thaviko kani? U fanete kuthavwa, nguko hagari ka totshe titxhari ta vamatiko, ni ka mifumo yawe yotshe, lambi, khangaho wu a fananako ni nawe.

Matewu 16:3

Ni mixo, mi khanu: ‘Nyamsi ku nava ni diphuho, nguko nzumani ku ni madhuvi.’ Ma tiziva ta tinene kutxhamusela khohe ya nzuma, se mi sindwa ngu txani kuziva sikombiso sa timbimo kani?

Dhaniyeli 5:7

Mfumeli a to ruma, ngu mtamo, ti to kudhanwa tiñanga, ni Vakaldheya, ni vahuti; mfumeli a to womba ka titxhari ta Bhabhilona, a txi khene: “Awule a no gonda mibhalo yiya, e ni gela txhamuselo ya kona, a na ambekwa nguwo yo bhilivila, ni liketani la nzalama mkoloni kwakwe, se a na maha mfumeli wa wuraru amu ka mfumo wangu.”

Dhaniyeli 2:12

Sekoko mfumeli a to henya ngutu e pandiseka; e leletela ti to kudawa totshe titxhari ta Bhabhilona.

Matewu 2:1

Ngako Jesu a di velekilwe Bhetlehema ka Judheya, ka mbimo ya mfumeli Herodha, konaho titxhari ta wutxani ti to bwaka Jerusalema,

Dhaniyeli 2:27

Dhaniyeli a to xamula masoni ka mfumeli, a txi khene: Txihunja txi mfumeli a txi lavako, kha ku na titxhari, mwendo vahuti, hambi tiñanga, va nga sikotako kutxhamusela ka mfumeli.

Esteri 1:12

Kambe Vhasta mfumeli wa txisikati, a to lamba kuta madingano ni dipswi da mfumeli, ngu dianza da mithenwa; ngu kumaha keto mfumeli a to henya ngutu, se txiviti takwe txi tura.

1 Makronika 12:33

ka Zebhuloni, vale va nga ti huma veya ka dibutho da yimbi, va di xomile ku yalwa ngu otshe matxhari yimbi, i ti ti 50.000, vathu vo txhariha ko lwa yimbi, va timbilu to tsana;