Esteri 1:10 - Bhiblia Yo Sawuleka

¹⁰ Se ka ditshiku da wutxhanu ni mambidi, na mfumeli a di tsakile ngu vhinya, a to ruma Mewumani, Bhizita, Haribhona, Bhigita, Abhagita, Zetari, ni Karika, i ku mtxhanu wa mithenwa ni yimbidi, yile yi nga ti thumela mfumeli Asuwero,

Esteri 1:10 Referans Kwoze

Esteri 7:9

Sekoko Haribhona, mmweyo wa mithenwa yile yi nga ti thumela mfumeli, a to khene: Wonani, phande ya mtxhanu wa magumi a mikono ya kulapha, yile Hamani a nga ti ti yi kelelete Moridhekayi, yile a nga zivisa mfumeli, yi hafuhi ka m'ti wa Hamani. Sekoko mfumeli a to khene: Mtxikiteni ka yona ene Hamani.

Valamuli 16:25

Se ku to maheka taku, na timbilu tawe ti di tsakile, va to kha vona: “Dhanani Samusoni, kasi ku a txi sakana masoni kwathu.” Se va to ya dhana Samusoni mkorani, a txi ta sakana masoni kwawe; ve muemisa hagari ka tiphande.

Mavingu 20:1

Vhinya mtseketseli, ni wusuke wu vangisa diguwa; ni wihi wule a ti ningetetelako ka wona, kha na mbi maha wo txhariha.

2 Samuwele 13:28

Se Abhisalome a to leletela ka vafana vakwe, a txi khene: Wonisisani kha kwati; mbimo si mbilu ya Aminoni yi tsakako ngu vhinya, se ani ni txi mi gela ku khani: Dayani Aminoni! Sekoko mi na m'daya; mi nga thaveni; Ina hi ngani ni mi rumako kani? Tsanani, mi va tindena.

Genesisi 43:34

Aniko ene a to phamela vanawe sakudya sakwe sa ha mezani kwakwe, a txi phamela Bhenjamini sakudya sa kupinda mtxhanu wa kona asi a nga phamela mmweyo ni mmweyo ka votshe vamwanyani vanawe. Se vona ve sela, va txi busa nayo.

Ekleziyaste 10:19

Vathu va rambana kasi ku ta tsaka, ni vhinya yi tsakisa kuhanya, kambe sotshe si manwa ngu male.

Valamuli 19:6

Se va to khalahatsha, vedya ni kusela ngu wumbidi wawe. Se tate wa dihorana a to khene ka wamwamna wule: “Na ku kombela, tumela, ti to u zumba kambe wusiku wuwa, kasiku mbilu yako yi txi tsaka.”

Rute 3:7

Bhowazi ngako a di dyite ni kusela, na mbilu yakwe yi di tsakile, a to ya otela hafuhi ni mmumbu wa sevhadha; sekoko Rute a to ta ngu kunyanimela, a txi ya vhunungula didhamba ngu mikondoni ka Bhowazi, a txi otela.

Esteri 1:9

Nene Vhasta mfumeli wa txisikati, a to mahela m'buso vavasikati nyumbani ka wukoma, ka mfumeli Asuwero.

Esteri 3:15

Ngu kuleleta ka mfumeli, sirumwa koko si to huma ngu kututuma, se mlayo wu huwelelwa mkhokholani ka Susani; se mfumeli kumweko ni Hamani va to khalahatsha ve sela; kambe didhoropa da Susani di to tala ngu pfilu-pfilu.

Mavingu 31:4

Hi nga tona ka vafumeli, awe Lemuweli, hi nga tona ka vafumeli kusela vhinya, hambi ka madhota kunavela so sela sa mtamo.