Esteri 1:1 - Bhiblia Yo Sawuleka

¹ Se ku to maheka tito, ka masiku a Asuwero (awuwa i Asuwero wule a fumela 127 wa matiko a hombe; kukhukhela Indiya kala Etiyopiya);

Esteri 1:1 Referans Kwoze

Dhaniyeli 9:1

Ngu dilembe do khata da Dhariyo, mwana Asuwero, wa ditiko da Vamedhi, wule a nga ti mahilwe mfumeli txitimwi ka mfumo wa Vakaldheya.

Esteri 8:9

Sekoko ku to dhanwa vamabhalani va mfumeli, ka yona mbimo yile, ngu mtxima wa wuraru (i ku mtxima wa Sivani), ka ditshiku da magumi mambidi ni masiku marau, ka wona mtximewo, se ve ta bhala madingano ni totshe tile Mordhekayi a nga ti lavisa tona ku ti gelwa Vajudha, ni ka tinduna, ni vafumeli, ni vahombe va matiko a hombe, kukhukhela Indiya kala Etiyopiya, 127 wa matiko a hombe, ka ditiko dimwani ni dimwani da hombe madingano ni mabhalelo awe, ni ka vathu vamwani ni vamwani madingano ni lidimi lawe; ni ka Vajudha madingano ni mabhalelo awe ni lidimi lawe.

Dhaniyeli 6:1

Dhariyo a ti woni i di tinene kuveka 120 wa vafumeli, txitimwi ka wotshe mfumo wakwe;

Esteri 9:30

Se va to rumela mapapilo ka votshe Vajudha, va ku ka 127 wa matiko a hombe a mfumo wa Asuwero, ni mapswi a kudikha ni wunene,

Ezra 4:6

Se hahatshi ka kufuma ka Asuwero, ngu kukhata kwakwe kufuma, va to bhala tximangalo txo wukela vazumbi va ditiko da ka Judha, kona Jerusalema.

Isaya 37:9

Se mfumeli a ti pfite taku Tiraka, mfumeli wa Etiyopiya, a humile kasi kuya mlwisa. Ngako a di ti pfite eto, a to rumela mitumi ka Ezekhiya, a txi khene:

Isaya 18:1

Dikhombo ka ditiko di di mahako mtsudi ngu tibhapi ta dona, adi di ku mtxhatuko ka minambo ya Etiyopiya!

Esteri 2:3

Se mfumeli a na veke mthangeli ka otshe matiko a hombe a mifumo yakwe, ti to ve sengeleta otshe mahorana a timbiri, a txiemo txo tshura, mkhokholani ka Susani, nyumbani ka vavasikati, hahatshi ka dianza da Hegayi, mthenwa wa mfumeli, muwoneleli wa vavasikati, kambe va na ningwe sa ku ti tshurisela ngu sona.

Esteri 10:1

Msana ka tiya, mfumeli Asuwero a to resisa ditiko ni sitondolo sa lineneni.

Dhaniyeli 11:2

Se konkuwa, ni lava ku kugela ditshuri: Wona taku ku na maneka vafumeli vararu kona Persiya, aniko wa wumune a na va wa thomba yayingi kupinda votshe; kambe ngu mhaka ya tithomba takwe, a na kuzetela votshe kuve wukela mfumo wa Gresiya.