Eksodha 9:4 - Bhiblia Yo Sawuleka

⁴ Se Mkoma a na hambanisa mitxhambi ya Vaisrayeli ni mitxhambi ya Vaegipta, kha ku na mbi fa ni txa tximwetxo txifuyo txi txi lumbako vanana va ka Israyeli.

Eksodha 9:4 Referans Kwoze

Eksodha 8:22

Se ka ditshiku dile, ni na hambanisa ditiko da Goxeni, adi va zumbako ka dona vathu vangu, ti to ku si maneki koneyo mabhawu, se u na tiziva ti to ani ngani Mkoma hagari ka ditiko dotshe.

Malakiya 3:18

Sekoko mi na wona kambe kuhambana ka wo lulama ni wo biha, hagari ka wule a thumelako Txizimu, ni wule asi txi thumeliko.

Eksodha 12:13

Ti di ngeto, mnoha wu na va txikombiso txanu tinyumbani mu mi manekako ka tona: Ngako ani ni txi wona mnoha, ni na pinda ni txi ya masoni, ti to ku si maneki dikhombo hagari kwanu do lovisa, mbimo yi ani ni no peka ditiko da Egipta ngu lifo.

Eksodha 10:23

Mmwani ni mmwani a ti sikoti kuwona mmwani, ni wammweyo kha sikota kukhukha ka wukhalo wule a nga ti ka wona, mndani ka masiku mararu; ditikoni kotshe ka Egipta ni ka makhalo otshe. A mu ku nga txi maneka vanana va ka Israyeli ku ti ti ho kuwonekela.

Eksodha 9:5

Se Mkoma a to veka mbimo, a txi khene: “Mangwana Mkoma a na maha toneto mu ditikoni.”

Eksodha 9:6

Se Mangwanani ka kona, Mkoma a mahile toneto a nga ti womba, sihari sotshe sa Vaegipta si manekile si di fite; aniko ni txa tximwetxo txihari txi lumbako vanana va ka Israyeli kha txa fa.

Eksodha 9:26

Ditikoni ka Goseni, amu va nga ti ka dona va ka Israyeli, ku ti si wi mati a maralala.

Amosi 4:7

Hahandze keto, ni mi vhalete nzuma, ku txi ngadi kupwateka mitxima yiraru kuhoka mbimo yo funyela; ni yi nisile ka didhoropa dimwedo ka dimwani ni ka yi nisa; ka thembwe yimweyo yi nite, aniko ka yimwani thembwe kha ya na, kuomile.

Eksodha 8:19

Sekoko tiñanga ti to kha tona ka Faro: “Aliya litiho la Txizimu!” Hambi keto, mbilu ya Faro yi simamile yi txi banga, ngu mhaka yeto kha va engisa, nga ti Mkoma a nga ti wombile.