Eksodha 9:31 - Bhiblia Yo Sawuleka

³¹ Se linyu ni sevhadha si datwe, nguko sevhadha yi ti ni timbewu, ani linyu aha ka litshava;

Eksodha 9:31 Referans Kwoze

Rute 2:23

Ngu toneto, Rute a to ti pata ni mahorana a Bhowazi, kuva e roletela, kala kuza kuelulwa ka sevhadha ni fulaho ku txi guma; se a to zumba ni masale wakwe.

Rute 1:22

Ngu toneto, Nowemi a to wuya ni mane wakwe Rute, wa Mowabhi, a nga wuya ngu ditiko ka Mowabhi; se va to hoka Bhetlehema ngu mbimo yo khata kuelula sevhadha.

Habhakuki 3:17

Hambi keto, hambi mkuwu wu si nzi kuhuma siluva, hambi ku si maneki mihando amu ka mu uvha, mihando ya muolivha yi nga woneke, ni tithembwe ti nga humise sakudya, txi bala txa tinvuta txi na fuviswe, ni sibalani ku nga maneke tihomu ta mikati.

Amosi 4:9

Ni mi pekile ngu moya wo hisa, ni ku mi bhirelisa; siyalo sanu sa tithembweni ni mivhinya yanu, ni sa mikuwu yanu ni sa miolivha yanu, si dyitwe ngu bhandala; hambi keto, kha ma hundulukela kwangu, kuwombile Mkoma.

Eksodha 9:32

aniko fulaho ni mahila kha sa onhetelwa, nguko sa swela ku rumbuka.

2 Samuwele 21:9

Se a to va ningela manzani ka Vagibheyoni, avale va nga va txikita mmangoni masoni ka Mkoma; se votshe va mtxhanu ni vambidi va to fa ngu mbimo yimweyo; Va to dawa ka masiku a kuelula, i ku masiku o khata, kukhatani ka kuelula ka Sevhadha.