Eksodha 9:29 - Bhiblia Yo Sawuleka

²⁹ Sekoko Mosi a xamute a txi khene: “Msana ka kuva ni di humile mu didhoropani ni na nawuluta manza angu ka Mkoma; singwalangwanda si na ema, kambe kha ku na mbiswa ku txi wa mati a maralala, kasiku u txi ziva to ditiko di lumba Mkoma.

Eksodha 9:29 Referans Kwoze

1 Vakorinto 10:26

Mafu nga Mkoma ni sotshe si si ku txitimwi ka ona.

Isaya 1:15

Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.

Masalmo 143:6

Na guleta manza angu kwako, ni khongela; Kufana ni mafu a kuoma, moya wangu wa pfa ditora ngu ngawe.

1 Vafumeli 8:38

yotshe mikombelo ni kotshe kudila ku no mahwa ngu ni wihi m'thu wa ka Israyeli, aha koza mmweyo ni mmweyo epfa kupanda ka mbilu yakwe e nawuluta dianza dakwe ka yiya nyumba,

1 Vafumeli 8:22

Se Solomoni a to tsula masoni ka txiluvelo txa Mkoma, masoni ka wotshe msengeletano wa ka Israyeli, se e gwimba manza me komba nzumani,

Dhewuteronome 10:14

Wona nzuma ni nzuma ya tinzuma, si lumba Mkoma, Txizimu txako, kumweko ni mafu ni sotshe si si kuho ka ona.

1 Vakorinto 10:28

Kambe ngako wokari a txi mi gela ku khene: Asiya i mhamba ya sizimu sa walo, konaho mi nga dyeni ngu mhaka ya eneyo, a nga mi tsunzukisa ni ngu mhaka ya livhalo.

Masalmo 135:6

Totshe ti Mkoma a ti lavako ene wa ti maha, ha mafuni ni nzumani, lineneni ni ka otshe makhalo a kueta.

Masalmo 50:12

Idiku ani ni ni nzala, nga ti si laveki ku kugela, nguko ditiko ni sotshe si si manekako ka dona sa ni lumba.

Jobe 11:13

Ngako awe u di lulamisete mbilu yako, nawuluta manza ako kwakwe;

Ezra 9:5

Hafuhi ka mbimo ya miphaxo, ni to khukha kuhenyanimo kwangu, na ni ti vharulete syambalo sangu, ni to khizama, ni guleta manza angu ka Mkoma, Txizimu txangu.

Eksodha 19:5

Kukhukhela ka kuwa, ngako mi txi engisa dipswi dangu, mi txi londeta mhaka ya txitumelelano txangu, hagari ka votshe vathu, sekoko mi na va mi di thomba yangu. Nguko dotshe ditiko ndangu.

Eksodha 9:33

Konako, Mosi a to khukha ka Faro e huma mu didhoropani, se e nawuluta manza akwe a txi ma komba ka Mkoma Txizimu. Singwalangwanda ni mati a maralala si to ema, se kha ka nga wa kambe mati a maralala ha ditikoni.

Eksodha 8:22

Se ka ditshiku dile, ni na hambanisa ditiko da Goxeni, adi va zumbako ka dona vathu vangu, ti to ku si maneki koneyo mabhawu, se u na tiziva ti to ani ngani Mkoma hagari ka ditiko dotshe.

Eksodha 20:11

Nguko ngu mtxhanu wa masiku ni dimwedo, Mkoma a vangile nzuma ni mafu, ni linene, ni sotshe asi si kuho, se a to humulela ngu ditshiku da wutxhanu ni mambidi; ngu mhaka yeto, Mkoma a katekisile ditshiku da Sabbata a txi di sawulekisa.

Eksodha 8:6

Aroni a to guleta dianza dakwe txitimwi ka mati a ditiko da Egipta, makhele ma to huma ma txi tata ditiko da Egipta.