Eksodha 9:28 - Bhiblia Yo Sawuleka

²⁸ Khongelani ka Mkoma a txi emisa singwalangwanda kumweko ni mati a maralala. Ani ni na mi leka mi txi tsula, kha ni na mbiswa ni txi mi ñola kambe.

Eksodha 9:28 Referans Kwoze

Eksodha 8:8

Se Faro a to ruma kudhanwa Mosi ni Aroni, a txi khene kwawe: “Kombelani ka Mkoma kasiku e thavisa makhele ahawa kwangu, ni na leka vathu va txi huma, kasi va txi ya maha mphaxo ka Mkoma.”

Eksodha 10:17

Konkuwa koko, na mi kombela taku mi txi ni divalela txionho txangu, ka txona txikhati txiya dwe, kambe khongelani ka Mkoma Txizimu txanu, ti to a txi thavisa kwangu lifo liya.”

Eksodha 8:28

Sekoko Faro a to khene: “Ni na mi leka mi tsula, mi ya maha mphaxo ka Txizimu txanu txiwulani; aniko mi nga yeni kule; ni khongeleleni nani.”

Mithumo 8:24

Simoni a to xamula, a txi khene: “Ni khongeleleni anu ka Mkoma ti to ni si thuki ni txi humelwa ngu txilo ni txa tximwetxo ka si mi nga si womba.”

Eksodha 11:1

Mkoma a wombile ka Mosi a txi khene: “Ni na wuyisa tximwani txixaniso txitimwi ka Faro ni ka Egipta. Konako a na mi leka mi txi khukha kona hawa. Mbimo yi ene a no mi ruma ti to mi txi tsula, ene kha na mbi mi leka dwe mi txi tsula, aniko a na mi tutumisa hawa.

Eksodha 8:25

Sekoko Faro a to dhana Mosi ni Aroni, a txi khene: “Tsulani mi txi ya maha mphaxo wanu ka Txizimu txanu kona ditikoni muwa.”

Eksodha 10:8

Sekoko Mosi ni Aroni, va to yiswa kambe masoni ka Faro, awu a nga ya va gela a txi khene: “Tsulani mi ya khozela Mkoma, Txizimu txanu; aniko, ngu vahi vathu va no huma va txi tsula kani?”

Eksodha 10:24

Sekoko Faro a to dhana Mosi ni Aroni a txi va gela tiya: “Tsulani, mi txi ya khozela Mkoma, Txizimu txanu. Ku na sale mitxhambi ya tinvuta ni ya tihomu dwe; vanana vanu tsulani navo.”

1 Samuwele 12:19

Se vathu votshe va to kha vona ka Samuwele: Kombelela sithumi sako ka Mkoma Txizimu txako, kasiku hi si fi; nguko ka sotshe sionho sathu hi engetete wubihi wuwa, wa ku ti kombelela mfumeli.

1 Vafumeli 13:6

Sekoko mfumeli a to xamula a txi khene ka m'thu wa Txizimu: Khongela masoni ka Mkoma Txizimu txako, ni kombelele ti to dianza dangu di kalamuka. Sekoko m'thu wa Txizimu a to kombela masoni ka Mkoma, se dianza da mfumeli di to wuya txikale txa dona.

Jeremiya 21:2

“Hi nga hi wotisela ka Mkoma, nguko Nebhukodhonosori, mfumeli wa Bhabhilona, wa hi xasela; mwendo Mkoma a na hi mahela sixamaliso sakwe, ti taku ene e khukha kwathu.”

Eksodha 8:4

“Makhele ma na maneka txitimwi kwako, txitimwi ka vathu vako ni txitimwi ka mahalamu ako otshe.”

Mitengo 21:7

Ngu kumaha ka eto, vathu va to ya ka Mosi, va txi ya kha vona: Athu hi onhile ngutu, nguko hi sote Mkoma, ni nawe; ngu mhaka ya eto, awe hi kombelele ka Mkoma tito, a txi thavisa minyoka yiya hagari kwathu. Koneko Mosi a to kombelela vathu.