Eksodha 9:27 - Bhiblia Yo Sawuleka

²⁷ Sekoko Faro a to rumisa kudhana Mosi ni Aroni, e va gela tiya: Konkuwa ani ni onhile; Mkoma a lulamile ngutu, ani ni vathu vangu hi onhile.

Eksodha 9:27 Referans Kwoze

Sidilo 1:18

“Mkoma a lulamile, nguko ani koko ni eyisile milayo yakwe; engisani koko anu motshenu, vathu, mi txi wona kupandiseka kwangu; votuma vangu ni majaha angu va tsute wukhumbini.

Masalmo 129:4

Aniko Mkoma i ku wo lulama, a bhenulete majoke a vabihi.

2 Makronika 12:6

Sekoko vathangeli va Israyeli ni mfumeli va to ti veka hahatshi, va txi kha vona: Mkoma a lulamile.

Eksodha 10:16

Sekoko mfumeli Faro, a to dhana Mosi ni Aroni ngu kukuluveta, a txi khene: “Ni onhete Mkoma, Txizimu txanu, ni nanu ni mi onhete.

Masalmo 145:17

Mkoma a lulamile ka totshe tinzila takwe, ni kusawuleka ka yotshe mithumo yakwe.

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Matewu 27:4

a txi khene: “Ni onhile ni nga ningela mnoha wo mbi na mnandu!” Vona va to kha vona: “Ti womba txani eto kwathu kani? Eto ndako wekhelela!”

Dhaniyeli 9:14

Ngu toneto, Mkoma a xayisile dikhombo diya, se e di tisa txitimwi kwathu; nguko Mkoma, Txizimu txathu a lulamile amu ka mithumo yakwe yotshe yi a nga yi maha, kambe kha hi engisi dipswi dakwe.

Mitengo 22:34

Sekoko Bhalahamu a to khene ka Ngelozi ya Mkoma: “Ni onhile, nguko ni ya tiziva ti to awe u emile masoni kwangu ngu hanzila. Se konkuwa, ngako ti si tsakisi masoni kwako, ni na tshumela ni tsula mwani.”

1 Samuwele 26:21

Sekoko Sawule a to khene: Ni onhile! Wuya, mwanangu Dhavhidha! Nguko kha ni na mbi kumaha to biha, nguko nyamsi u woni lisima la wutomi wangu masoni kwako. Wona taku, ni mahile wuphukuphuku, ni onhile ngutu ta tinene.

1 Samuwele 15:24

Sekoko Sawule a to khene ka Samuwele: Ni onhile, nguko ni ndakile sileleto sa Mkoma ni mapswi akwe; nguko ni to thava vathu ni engisa dipswi dawe.

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

1 Samuwele 15:30

Sekoko Sawule a to khene: Ni onhile! Kambe konkuwa ni ninge lisima masoni ka vathangeli va vathu vangu ni masoni ka va ka Israyeli, u tshumela ni nani kasiku ni ya khozela Mkoma Txizimu txako.

Eksodha 8:8

Se Faro a to ruma kudhanwa Mosi ni Aroni, a txi khene kwawe: “Kombelani ka Mkoma kasiku e thavisa makhele ahawa kwangu, ni na leka vathu va txi huma, kasi va txi ya maha mphaxo ka Mkoma.”

Eksodha 8:25

Sekoko Faro a to dhana Mosi ni Aroni, a txi khene: “Tsulani mi txi ya maha mphaxo wanu ka Txizimu txanu kona ditikoni muwa.”

Eksodha 10:17

Konkuwa koko, na mi kombela taku mi txi ni divalela txionho txangu, ka txona txikhati txiya dwe, kambe khongelani ka Mkoma Txizimu txanu, ti to a txi thavisa kwangu lifo liya.”

Mitengo 21:7

Ngu kumaha ka eto, vathu va to ya ka Mosi, va txi ya kha vona: Athu hi onhile ngutu, nguko hi sote Mkoma, ni nawe; ngu mhaka ya eto, awe hi kombelele ka Mkoma tito, a txi thavisa minyoka yiya hagari kwathu. Koneko Mosi a to kombelela vathu.

Joxuwa 7:20

Se Akane a to xamula ka Joxuwa, a txi khene: “Ngu ditshuri, ni onhete Mkoma, Txizimu txa ka Israyeli, ni mahile ti ni ti.

2 Samuwele 12:13

Sekoko Dhavhidha a to khene ka Nathani: Ni onhile ka Mkoma. Se a to khene Nathani ka Dhavhidha: Mkoma nene a thavisile txionho txako; khu na mbi fa.