Eksodha 9:24 - Bhiblia Yo Sawuleka

²⁴ Se ku ti ti ni maralala ni mndilo wo patana ni maralala. I ti a mtamo ngutu, aale ma si ziviko ka nga wa o fana nawo, mu ditikoni ka Egipta, kukhukhela kukhatani ka ditiko da Egipta.

Eksodha 9:24 Referans Kwoze

Matewu 24:21

nguko, keyo mbimo, kuxaniseka ku nava i di ka hombe ngutu, kova ku si zivi kuwonwa, kukhukhela kukhatani ka ditiko kala nyamsi, akuwa kambe ku no mbi nga va ni kumaheka kambe.

Eksodha 10:6

Humbi yi na tata tinyumba tako, ni tinyumba ta sithumi sako, ni totshe tinyumba ta Vaegipta, humbi yi yi si ziviko kuwonwa ngu vatate vako, ni vatate va vatate vako, kukhukhela ka ditshiku di va nga maneka ha ditikoni kala nyamsi.” Se Mosi a to tshembereka e huma masoni ka Faro.

Eksodha 9:23

Mosi a to gwimba ndonga yakwe a txi yi komba txitimwi. Mkoma a to ruma singwalangwanda ni mati a maralala, ku to relela mndilo ha mafuni. Txizimu txi to maha ti to ma txi wa mati a maralala ha ditikoni kotshe ka Egipta.

Eksodha 9:18

Wona taku mangwana, ka mbimo yona yiya, ni na maha ti to ma txi wa mati a maralala, ngu mtamo, aawa ma si ziviko kuwa ditikoni ka Egipta, kukhukhela makhatoni ka dona kala nyamsi.

Eksodha 9:25

Mati a maralala ma to daya sotshe si si nga ti hahanze, vathu ni sihari, ditikoni ka Egipta. Ma hetile ni mwasi wotshe wa tithembweni, ma txi funyeletela mindonga yotshe ya txitinga.

Ezekhiyele 13:13

Ngu mhaka yeto Mkoma Txizimu a khene: Moya wo juja ngutu wu na bhanda diseta ngu kuhenya kwangu, kambe ma na wa mati a hombe ngu mu ka txiviti txangu, ni mabwinzi a hombe a maralala ngu mu ka kuhenya kwangu, kasi ku di tshokomisa.

Jobe 38:23

ti to na ñola hambi mbimo ya kuxaniseka, ni ditshiku da kulwa ni da yimbi kani?

Masalmo 18:13

Mkoma a to dhinda a di nzumani, Nyatxitimwi a huwelete ngu dipswi dakwe.

Masalmo 105:32

Ha wukhaloni ka mati Txizimu txi to nisa maralala ni midhikila ya mndilo ha ditikoni kotshe.

Isaya 30:30

Se Mkoma a na pfalisa wudhumo wa dipswi dakwe, kambe a na wonekisa kurelela ka diwoko dakwe, ni kupandiseka ka txiviti, ni m'dhikila wa mndilo wakwe wo tshokomisa, ni nyangafula, ni ndambi, ni marigwi a maralala.

Ezekhiyele 1:4

Ni to wonisisa, ni wona moya wa txihuhuri txa mtamo ngutu wu txi ta ngu Wuphemba, ni direfu da hombe, ni mndilo wu wu nga ti renzelekela, ni kuphatima madhawani ka kona, se ngu hagari ku ti ti ni txo fana ni koporo, txi nga ti ti huma ngu hagari ka mndilo.