Eksodha 9:23 - Bhiblia Yo Sawuleka

²³ Mosi a to gwimba ndonga yakwe a txi yi komba txitimwi. Mkoma a to ruma singwalangwanda ni mati a maralala, ku to relela mndilo ha mafuni. Txizimu txi to maha ti to ma txi wa mati a maralala ha ditikoni kotshe ka Egipta.

Eksodha 9:23 Referans Kwoze

Masalmo 18:13

Mkoma a to dhinda a di nzumani, Nyatxitimwi a huwelete ngu dipswi dakwe.

Joxuwa 10:11

Se ku to maheka taku, mbimo yi va nga ti thava masoni ka va ka Israyeli, mkovani ka Bheti-Horoni, Mkoma a to wisa ngu nzumani marigwi a hombe txitimwi kwawe kala kuhoka Azeka, aha va nga mbambamela kona. Mbavangi ngutu avale va ngafa ngu marigwi a maralala kupinda avale va nga dawa ngu matxhari a vanana va ka Israyeli.

Ezekhiyele 38:22

Se ni na mlwisa ngu mitungu ni kutheketa mnoha; ni na wisa mati a ndambi, ni marigwi a hombe a maralala, mndilo ni txivavula ni na si wisa txitimwi kwakwe, ni txitimwi ka masotxhwa akwe, ni ka votshe vathu votala va no maneka va di ni nene.

Isaya 30:30

Se Mkoma a na pfalisa wudhumo wa dipswi dakwe, kambe a na wonekisa kurelela ka diwoko dakwe, ni kupandiseka ka txiviti, ni m'dhikila wa mndilo wakwe wo tshokomisa, ni nyangafula, ni ndambi, ni marigwi a maralala.

Mtuletelo 8:7

Ngelozi yo khata yi to veta mpundu wa yona: Konako ku to wa maralala ni mndilo, si di patanisilwe ni mnoha: Ku to hya didhawa da wuraru da mafu, kuhya didhawa da wuraru da mindonga, ku to hya mwasi wotshe wo hanya.

Masalmo 148:8

tinyangafula ni maralala, hunguva ni txyandela; moya wa hombe wu engisako dipswi dakwe;

Masalmo 77:18

Kudhuma ka singwalangwanda sako ku to pfala txitimwi kukeluka ka nzuma ku to woningeta ditiko dotshe; mafu ma to dekadeka ma txi dhudhumela.

Masalmo 29:3

Dipswi da Mkoma da pfala hagari ka linene; Txizimu txo dhumiseka txa dhindisa nzuma txitimwi ka Linene la hombe!

Mtuletelo 16:21

ma to wa ngu nzumani, me wela vathu, maralala o nemela nga titalenta, se vathu ve khata kuruketela Txizimu ngu mhaka ya ntungu wa maralala, nguko i ti wa hombe ngutu.

Eksodha 20:18

Vathu votshe va to engisa kudhuma ka singwalangwanda, kukeluka, kutuma ka mpundu ni kutuvika ka mmango, vathu va to telwa ngu dizowa, va txi manekela kule.

Eksodha 19:16

Kutxani ka ditshiku da wuraru, ku to maheka singwalangwanda ni tinyangafula ni direfu da mtima di to fenengeta mmango, se kudhuma ka mtamo ka mpundu ku to pfala ngutu. Dibutho da vathu di nga ti wugoveloni di to dhudhumela.

Mtuletelo 16:18

Konako ku to humelela kukeluka ka nzuma, mapswi, singwalangwanda ni kudekadeka ka mtamo ka mafu: Kudekadeka ka hombe ngutu akuwa txima kha kuzivi kuhumelela kukhukhela m'thu a di tumbulukile ha mafuni.

Genesisi 19:24

Sekoko Mkoma a to wisa txivavula ni mndilo txitimwi ka didhoropa da Sodhoma ni da Gomora, si txi ta ngu nzumani, ka Mkoma Txizimu.

Eksodha 9:18

Wona taku mangwana, ka mbimo yona yiya, ni na maha ti to ma txi wa mati a maralala, ngu mtamo, aawa ma si ziviko kuwa ditikoni ka Egipta, kukhukhela makhatoni ka dona kala nyamsi.

Eksodha 9:24

Se ku ti ti ni maralala ni mndilo wo patana ni maralala. I ti a mtamo ngutu, aale ma si ziviko ka nga wa o fana nawo, mu ditikoni ka Egipta, kukhukhela kukhatani ka ditiko da Egipta.

Jobe 37:13

kumahela kuva txikhawuliso ka mafu mwendo kuva tikatekiso ka mafu, hambi kuninga kuhanya kakunene.

Masalmo 147:17

wa wisa maralala o nga sirigwana kuwalo m'thu wu a tsanelako pheho ya kona.