Eksodha 9:22 - Bhiblia Yo Sawuleka

²² Sekoko Mkoma a to khene ka Mosi: “Nawuluta dianza dako u txi di komba nzumani, kasi ma txi wa mati a maralala ka ditiko dotshe da Egipta, txitimwi ka vathu, txitimwi ka sihari ni txitimwi ka mwasi wotshe mu tithembweni ni ka ditiko dotshe da Egipta.”

Eksodha 9:22 Referans Kwoze

Mtuletelo 16:21

ma to wa ngu nzumani, me wela vathu, maralala o nemela nga titalenta, se vathu ve khata kuruketela Txizimu ngu mhaka ya ntungu wa maralala, nguko i ti wa hombe ngutu.

Eksodha 8:16

Mkoma a wombile ka Mosi a txi khene: Gela Aroni u txi khawe: “Guleta ndonga yako u txi peka lithulu la mafu, ku na maneka tithwala ditikoni kotshe ka Egipta.”

Eksodha 8:5

Mkoma a to khene kambe ka Mosi: “Gela Aroni u txi khawe: Guleta dianza dako kumweko ni ndonga yako txitimwi ka minambo, txitimwi ka milonga ni magova, u txi maha ti to ma txi tala makhele txitimwi ka ditiko dotshe da Egipta.”

Eksodha 7:19

Mkoma a wombile kambe ka Mosi, a txi khene: “Gela Aroni u txi khawe: Teka ndonga yako u txi guleta dianza dako txitimwi ka mati a Egipta, txitimwi ka minambo yawe, txitimwi ka milonga yawe, txitimwi ka magova awe ni txitimwi ka sisima sawe sotshe, kasi mati ma na txitxeka ma txi maha mnoha. Wu na maneka mnoha mu ditikoni kotshe ka Egipta, hambi ni mu ka siya so vatwa mwendo sa marigwi!”

Eksodha 9:21

Aniko, avale va nga mbi khatala ngu dipswi da Mkoma, va to leka sithumi sawe ni mitxhambi yawe ya sifuyo hahanze.

Eksodha 10:21

Sekoko Mkoma a to khene ka Mosi: “Guleta dianza dako u txi di komba nzumani, kasi ku ku txi maneka txidema txa hombe, txo hambi vathu va nga txi gwesa.”

Joxuwa 10:11

Se ku to maheka taku, mbimo yi va nga ti thava masoni ka va ka Israyeli, mkovani ka Bheti-Horoni, Mkoma a to wisa ngu nzumani marigwi a hombe txitimwi kwawe kala kuhoka Azeka, aha va nga mbambamela kona. Mbavangi ngutu avale va ngafa ngu marigwi a maralala kupinda avale va nga dawa ngu matxhari a vanana va ka Israyeli.