Eksodha 9:16 - Bhiblia Yo Sawuleka

¹⁶ se ngu mhaka ya toneto, ni ku lekile ni txi ku emisa kasi ku ni txi kukomba mtamo wangu, ni ti to ditina dangu di txi huwelelwa ha ditikoni kotshe.

Eksodha 9:16 Referans Kwoze

Varoma 9:17

Ngu toneto, Mibhalo yi wombako ka Faro, yi txi kha yona: “Ni ku wusile kasiku ni komba mtamo wangu ngu kwako, ni kuva ditina dangu di txi pfaliswa ka dotshe ditiko.”

Mavingu 16:4

Sotshe si a nga si maha Mkoma asi emisete mithumo ya sona, hambi ni muonhi a mahetwe ditshiku do biha.

Masalmo 64:9

Votshe va na thava, se va na xawuta mtamo wa Txizimu va txi pimisa ati txona txi nga ti maha.

1 Makronika 16:24

Embelelani wudhumo wakwe hagari ka matiko, ni sixamaliso sakwe hagari ka vathu votshe.

Eksodha 14:17

Ani ni na bangisa timbilu ta Vaegipta kasiku va txi mi londeta, kambe ni na dhumiswa ka Faro ni ka yimbi yakwe yotshe, ka sikotxikani sakwe ni ka vagadhi vakwe va mahantxhi.

Judha 1:4

Nguku ku txholovete vathu vokari hagari kwathu, ava ku nga bhalwa ngu kale ti to va na abaniswa, vathu va kwa mbi thava Txizimu, va hindulako kateko ya Txizimu txathu, ve yi maha txivhikelo txa wubhemba wawe, ve lamba kukholwa ka wu i ku ene ekha M'gondisi ni Mkoma wathu, Jesu Kristu.

1 Pedro 2:8

Dirigwi diya di na va humba ni ku va wisa, va na humbwa ngu dona, nguko kha va kholwa ka Evhangeli, i ku ti va nga sikeliswa tona.

Varoma 9:22

Hi na khathu txani ngako Txizimu txi txi lava kukombisa kuhenya ka txona ni kuzivisa mtamo wa txona? Txizimu txi vile ni kutimisela ngutu ka vale va nga ti fanela kuhenyelwa ngu txona, avale va nga ti lulamisetwe kufuviswa.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Eksodha 14:4

Ani ni na maha ti to Faro a txi bangisa mbilu yakwe, se ene a na mi tutumela, kambe ani ni na komba mtamo wangu ni txi m'wukela ene kumweko ni dibutho dakwe da yimbi: Vaegipta va na tiziva ti to ani ngani Mkoma.” Se va ka Israyeli va to maha toneto.

1 Pedro 2:19

Nguko i kateko ngako m'thu a txi timisela sixaniso ngu mhaka ya Txizimu, hambi a txi xaniswa a si nga ni mnandu.

Malakiya 1:14

Sekoko a na rukwe mkanganyisi wule waku, a di ni txihari ka mtxhambi wakwe, wa thembisa, kambe e ningela ka Mkoma tximaha txo soleka; nguko ani ngani Mfumeli wa hombe, kuwomba Mkoma wa Mabutho a Tiyimbi, ditina dangu di na maha do thisa hagari ka matiko.

1 Samuwele 4:8

Dikhombo kwathu! I mani a no hi txhatxhisa manzani ka sizimu siya sa hombe kani? Asiya ngu sona sizimu si si nga xasela Vaegipta, ngu yotshe mitungu txiwulani.

Eksodha 9:15

Nguko, i ti ku ani ni ti guletile dianza dangu ni txi kupeka awe ni vathu vako ngu mtungu wa lifo, nga u di fuvile ha mafuni;

Eksodha 9:17

Awe u ngadi u txi ti guleta u txi wukela vathu vangu, u txi lamba ku va leka ve tsula kani?

Nehemiya 9:10

U kombisile sixamaliso ni sidiwukiso ka Faro, ni ka sotshe sithumi sakwe, ni ka vathu votshe va ditiko dakwe, nguko wu ti zivile ti va nga xanisisa tona vathu vako, se ngu kumaha keto u ti manete ditina, kufana ni ti ti wonekako nyamsi.

Masalmo 76:10

Txiviti txako txa kuhenyela vabihi txa hinduka txi maha wudhumo wako; vathu va va nga huluka kufa ngu yimbi va na maha m'buso wa ku kualakanya!

Masalmo 106:8

Aniko Txizimu txi va hanyisile, kasi kudhumisa ditina da txona ni kumaha ti to wu txi ziwa mtamo wa txona.

Jeremiya 32:20

Awe u mahile sikombiso ni sixamaliso ditikoni ka Egipta, ni txitimwi ka Israyeli, ni hagari ka vamwani vathu kala ni nyamsi kuwa; u ti mahete ditina di u ku nado ka diya ditshiku;

Ezekhiyele 39:21

Kambe ni na veka wudhundo wangu hagari ka matiko. Se otshe matiko ma na wona wulamuli wangu, awu ni nga wu maha, ni dianza dangu, na ni ti di sanzekile txitimwi kwawe.

Mitengo 14:21

Nga ha ni hanyako, ni kuphatima ka Mkoma ku na tata mafu otshe.

Joxuwa 4:24

Kasi ku votshe vathu va ha mafuni, va txi ziva tito, dianza da Mkoma nda mtamo, kasi ku mi txi thava Mkoma, Txizimu txanu, otshe masiku.

2 Samuwele 7:23

I mani a kuho wo fana ni vathu vako, wo fana ni va ka Israyeli, vathu va i ku vokha ha mafuni, ava Txizimu txi nga va tirula ku va vathu va txona kani? Kambe a ti mahete ditina, se e mi mahela simaha sa hombe so thaviseka ditikoni kwako, masoni ka vathu vako, avale awe u nga va humisa Egipta, ngu kuthavisa matiko ni sizimu sa ona kani?

2 Vafumeli 19:35

Ku to maheka ti to ka wona wusiku wule, kuhuma ngelozi ya Mkoma yi peka 185.000 wa va Asiriya dizumboni kwawe; ni mixo mbimo yile va nga wuka vale va nga huluka, va to wona sirumbi.