Eksodha 9:14 - Bhiblia Yo Sawuleka

¹⁴ Nguko, ka mbimo yiya, ni na ruma makhombo otshe kwako, ni ka mahalamu ako, ni ka votshe vathu vako, kasiku u txi tiziva ti to kha ku nga ho mmwani wo fana ni nani ha ditikoni kotshe.

Eksodha 9:14 Referans Kwoze

Eksodha 8:10

Faro a to womba a txi khene: “Mangwana.” Se Mosi a txi khene: “Ti na maheke nga kuwomba kwako, kasiku u tiziva tito, kha ku nga ho mmwani wo fana ni Mkoma, Txizimu txathu.”

Mtuletelo 22:18

Na tsanisa ka wuhi ni wuhi a engisako mapswi a kuprofeta ka dibhuku diya ni khani: “Ngako m'thu a txi engetela mamwani mapswi, Txizimu txi na mu engetela mitungu yi yi nga bhalwa ka dona dibhuku diya.

Mtuletelo 18:8

“Ngu konaho, makhombo ma nata ngu ditshiku dimwedo; lifo, txidilo, ni nzala; se a na hiswa ngu mndilo, nguko Mkoma Txizimu txi nga mu lamula, txi na ni mtamo.”

Mika 6:13

Ngu toneto, ani nani ni na kuheta mtamo, ni kudayisa, ni ku kuhoxota ngu mhaka ya sionho sako.

Jeremiya 19:8

Ni na maha didhoropa diya diva txidiwukiso ni txiruko; ni wihi a no pinda ngu kona, a na diwuka aha koza e veta mloti ngu kuxamala, ngu mhaka ya otshe makhombo eyo.

Jeremiya 10:6

Khangaho a fananako ni nawe, awe Mkoma; u wa hombe, ditina dako ndahombe ngutu.

Isaya 46:9

Alakanyani timhaka ti ti nga pinda ta kale ngutu: Taku ani ngani Txizimu, se kha ku na tximwani Txizimu, kha ku nga ni tximwani txo fana ni nani;

Masalmo 86:8

Kha si nga ho sizimu si si dinganako ni nawe, Mkoma; kuwalo wu a sikotako kumaha ati awe u mahako.

1 Makronika 17:20

Awe Mkoma, kha ku na wo fana ni nawe, kha ku na tximwani Txizimu hahanze kwako, madingano ni totshe ti hi nga tipfa ngu tinzeve tathu.

1 Vafumeli 8:38

yotshe mikombelo ni kotshe kudila ku no mahwa ngu ni wihi m'thu wa ka Israyeli, aha koza mmweyo ni mmweyo epfa kupanda ka mbilu yakwe e nawuluta dianza dakwe ka yiya nyumba,

2 Samuwele 7:22

Ngu toneto, u wa hombe ngutu, awe Mkoma Txizimu, nguko kha ku na wo fana ni nawe, kambe kha ku na tximwani Txizimu, hahanze kwako dwe, madingano ni totshe ti hi nga tipfa ngu tinzeve tathu.

1 Samuwele 4:8

Dikhombo kwathu! I mani a no hi txhatxhisa manzani ka sizimu siya sa hombe kani? Asiya ngu sona sizimu si si nga xasela Vaegipta, ngu yotshe mitungu txiwulani.

Levhi 26:28

sekoko, ni na mi wukela ngu kuhenya, ni txi mi tsayisa kambe, ngu kuwuyeleta mtxhanu wa sikhati ni simbidi, ngu mhaka ya sionho sanu.

Levhi 26:21

Ngako mi txi hambana ni nani, mi tamarisa mi si ni engisi, ni na engeta ni txi ruma makhombo, ni txi wuyeleteta kambe mtxhanu wa sikhati ni simbidi, kasi ku mi tsayisa, ngu mhaka ya sionho sanu.

Levhi 26:18

Se ngako mi txi tamarisa mi si ni engisi, ni na mi tsayisa mtxhanu wa sikhati ni simbidi, ngu mhaka ya sionho sanu.

Eksodha 9:15

Nguko, i ti ku ani ni ti guletile dianza dangu ni txi kupeka awe ni vathu vako ngu mtungu wa lifo, nga u di fuvile ha mafuni;

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Dhewuteronome 3:24

“Mkoma Txizimu, se u khatile kukombisa ka txithumi txako, wuhombe wako ni dianza dako da mtamo; nguko njizimu muni txi kuho nzumani ni mafuni, txi nga sikotako kumaha mithumo yo nga yako, ngu mtamo wo fana ni wako kani?

Dhewuteronome 4:35

U ningilwe kuwona totsheto, kasi ku u txi tiziva ti to Mkoma ngene ekha i ku Txizimu; kha txi ngaho tximwani hahanze ka txona.

Isaya 45:5

Ani ngani Mkoma, se kha ku na mmwani; hahanze kwangu, kha ku na txizimu; ani ni na kutsanisa, hambiko u si ni ziviko.

Jeremiya 10:7

Awe Mfumeli wa matiko, i mani asi ku thaviko kani? U fanete kuthavwa, nguko hagari ka totshe titxhari ta vamatiko, ni ka mifumo yawe yotshe, lambi, khangaho wu a fananako ni nawe.

Dhaniyeli 5:21

Se a to thaviswa hagari ka vanana va vathu, mbilu yakwe yi hunduka yi fana ni ya sihari, eya zumba ni timbongola ta txitinga; va to mmaha e dya mwasi, kufana ni tihomu, mmidi wakwe wu nakaniswa ngu mwando wa nzumani, kala kuza e tiziva ti to, Txizimu Nyatxitimwi, txa fuma txitimwi ka mifumo ya vathu, ni ku txa ninga wukoma, ka wule txi mrandako.

Eksodha 8:6

Aroni a to guleta dianza dakwe txitimwi ka mati a ditiko da Egipta, makhele ma to huma ma txi tata ditiko da Egipta.