Eksodha 9:12 - Bhiblia Yo Sawuleka

¹² Kambe Mkoma a bangisile mbilu ya Faro, se ene kha nga va engisa, nga ti Mkoma a nga ti wombisile tona ka Mosi.

Eksodha 9:12 Referans Kwoze

Eksodha 4:21

Se Mkoma a to khene ka Mosi: “Ngako u txi tshumela uya ditikoni ka Egipta, alakanya kuya maha ka Faro sotshe sixamaliso si ni nga si veka manzani kwako; aniko ani ni na bangisa mbilu yakwe ti to asi leki vathu ve huma ve tsula.”

Johani 12:40

“A phumisile maso awe e bangisa timbilu tawe, kasiku va si woni ngu maso, ni ku va si pimi ngu timbilu tawe, kufela ku va si hunduluki, nani ni si va hanyisi.”

Varoma 9:18

Ngu toneto, Txizimu txi mahela wumbilu awule txi ti lavako ku mmahela, txi bangisa mbilu ya wule txona txi ti lavako ku m'bangisa.

Eksodha 7:4

Faro koko kha na mbi mi engisa; hambi ka toneto ani ni na veka dianza dangu txitimwi ka Egipta, nina humisa mabutho angu mu ditikoni ka Egipta, vona vathu vangu, vanana va ka Israyeli, ngu sitsayiso sa hombe.

Eksodha 10:1

Msana keto, Mkoma a to khene ka Mosi: “Tsula ka Faro, nguko ni bangisile kambe mbilu yakwe, ni timbilu ta mahalamu akwe, kasi kumaha sikombiso sangu hagari kwawe.

Eksodha 10:20

Kambe Mkoma a to bangisa mbilu ya Faro, aha ko kha sikota kuleka vanana va ka Israyeli ve tsula.

Eksodha 11:10

Mosi ni Aroni va mahetete sidiwukiso sotshe masoni ka Faro. Aniko Mkoma a bangisile mbilu ya Faro, e va lambela kuleka vanana va ka Israyeli va txi tsula, va txi huma ditikoni kwakwe.

Eksodha 14:8

Mkoma a to bangisa mbilu ya Faro, mfumeli wa Egipta, se ene a to londeta vanana va ka Israyeli, mbimo yi vona va nga ti huma ngu diwoko da wundena.

Joxuwa 11:20

Nguko Mkoma ngene a nga bangisa timbilu ta vathu vale, ti to ve huma va txi yalwa ni Israyeli, kasi ku a txi va lovisa do gwita, asi va tsetsi, aniko e va lovisa votshe, nga tile Mkoma a nga leleta ka Mosi.

Eksodha 9:7

Faro a to ruma kuya wona sifuyo sa va ka Israyeli, a txo gelwa ti to ni txa tximwetxo txihari txawe kha txa fa. Hambi keto, mbilu ya Faro yi to simama yi txi banga, kha nga va leka vathu va txi tsula.