Eksodha 8:8 - Bhiblia Yo Sawuleka

⁸ Se Faro a to ruma kudhanwa Mosi ni Aroni, a txi khene kwawe: “Kombelani ka Mkoma kasiku e thavisa makhele ahawa kwangu, ni na leka vathu va txi huma, kasi va txi ya maha mphaxo ka Mkoma.”

Eksodha 8:8 Referans Kwoze

Eksodha 10:17

Konkuwa koko, na mi kombela taku mi txi ni divalela txionho txangu, ka txona txikhati txiya dwe, kambe khongelani ka Mkoma Txizimu txanu, ti to a txi thavisa kwangu lifo liya.”

Eksodha 9:28

Khongelani ka Mkoma a txi emisa singwalangwanda kumweko ni mati a maralala. Ani ni na mi leka mi txi tsula, kha ni na mbiswa ni txi mi ñola kambe.

1 Vafumeli 13:6

Sekoko mfumeli a to xamula a txi khene ka m'thu wa Txizimu: Khongela masoni ka Mkoma Txizimu txako, ni kombelele ti to dianza dangu di kalamuka. Sekoko m'thu wa Txizimu a to kombela masoni ka Mkoma, se dianza da mfumeli di to wuya txikale txa dona.

Mitengo 21:7

Ngu kumaha ka eto, vathu va to ya ka Mosi, va txi ya kha vona: Athu hi onhile ngutu, nguko hi sote Mkoma, ni nawe; ngu mhaka ya eto, awe hi kombelele ka Mkoma tito, a txi thavisa minyoka yiya hagari kwathu. Koneko Mosi a to kombelela vathu.

Mithumo 8:24

Simoni a to xamula, a txi khene: “Ni khongeleleni anu ka Mkoma ti to ni si thuki ni txi humelwa ngu txilo ni txa tximwetxo ka si mi nga si womba.”

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

1 Samuwele 12:19

Se vathu votshe va to kha vona ka Samuwele: Kombelela sithumi sako ka Mkoma Txizimu txako, kasiku hi si fi; nguko ka sotshe sionho sathu hi engetete wubihi wuwa, wa ku ti kombelela mfumeli.

Eksodha 14:5

Ngako mfumeli wa Egipta a di zivisilwe ti to vathu va thavile, mbilu ya Faro ni timbilu ta mahalamu akwe ti to txitxeka ve wukela vathu. Se vona va to womba va txi kha vona: “Hi mahile tiya ngu txani, hi txi leka va ka Israyeli ve tsula, ve leka ku hi thumela kani?”

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Eksodha 8:9

Se Mosi a to khene ka Faro: “U na ni fanelo yo womba kwangu ti to ngu yihi mbimo ni no kukhongotela ngu yona awe ni mahalamu ako, ni vathu vako, kasiku makhele ma txi thaviswa kwako ni tinyumbani kwako, ma txi sala mnamboni ka Nilo dwe.”

Eksodha 8:15

Aniko Faro mbimo yi a nga wona ti to i txhukwana, mbilu yakwe yi to banga. Ngu mhaka yeto, kha nga va engisa, nga ti Mkoma a nga ti wombile.

Eksodha 8:29

Se Mosi a to khene: “Konkuwa ni no maneka ni di humile hawa, ni na khongela ka Mkoma. Mangwana mabhawu, ma na thava ka Faro, ni ka mahalamu akwe, ni ka vathu votshe; aniko Faro a nga engete a txi ni dyelela, asi leki vathu va txi tsula kuya maha mphaxo ka Mkoma.”

Eksodha 8:32

Aniko, hambi ni ka txiya txikhati, Faro a to bangisa mbilu yakwe, kha leka vathu va txi tsula.

Eksodha 9:27

Sekoko Faro a to rumisa kudhana Mosi ni Aroni, e va gela tiya: Konkuwa ani ni onhile; Mkoma a lulamile ngutu, ani ni vathu vangu hi onhile.

Eksodha 10:16

Sekoko mfumeli Faro, a to dhana Mosi ni Aroni ngu kukuluveta, a txi khene: “Ni onhete Mkoma, Txizimu txanu, ni nanu ni mi onhete.

Eksodha 9:33

Konako, Mosi a to khukha ka Faro e huma mu didhoropani, se e nawuluta manza akwe a txi ma komba ka Mkoma Txizimu. Singwalangwanda ni mati a maralala si to ema, se kha ka nga wa kambe mati a maralala ha ditikoni.

Eksodha 10:18

Mosi, ngako a di khukhile masoni ka Faro, a to khongela ka Mkoma.

Eksodha 32:11

Mosi a to khongela ka Mkoma, Txizimu txakwe, a txi khene: “Mkoma, ngu kutxani kuhenya kwako ku txi tura u txi wukela vathu vako, avale u nga va humisa ditikoni ka Egipta, ngu mtamo wa hombe ni dianza do tsana kani?