Eksodha 8:25 - Bhiblia Yo Sawuleka

²⁵ Sekoko Faro a to dhana Mosi ni Aroni, a txi khene: “Tsulani mi txi ya maha mphaxo wanu ka Txizimu txanu kona ditikoni muwa.”

Eksodha 8:25 Referans Kwoze

Eksodha 9:27

Sekoko Faro a to rumisa kudhana Mosi ni Aroni, e va gela tiya: Konkuwa ani ni onhile; Mkoma a lulamile ngutu, ani ni vathu vangu hi onhile.

Eksodha 8:8

Se Faro a to ruma kudhanwa Mosi ni Aroni, a txi khene kwawe: “Kombelani ka Mkoma kasiku e thavisa makhele ahawa kwangu, ni na leka vathu va txi huma, kasi va txi ya maha mphaxo ka Mkoma.”

Eksodha 12:31

Sekoko Faro a to dhana Mosi ni Aroni, ka wona wusikuwo e womba tiya: “Khukhani, mi huma hagari ka vathu vangu, anu ni vanana vanu va ka Israyeli; tsulani, mi txi ya thumela Mkoma nga ti mi nga womba.”

Eksodha 10:16

Sekoko mfumeli Faro, a to dhana Mosi ni Aroni ngu kukuluveta, a txi khene: “Ni onhete Mkoma, Txizimu txanu, ni nanu ni mi onhete.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Eksodha 9:28

Khongelani ka Mkoma a txi emisa singwalangwanda kumweko ni mati a maralala. Ani ni na mi leka mi txi tsula, kha ni na mbiswa ni txi mi ñola kambe.

Eksodha 10:8

Sekoko Mosi ni Aroni, va to yiswa kambe masoni ka Faro, awu a nga ya va gela a txi khene: “Tsulani mi ya khozela Mkoma, Txizimu txanu; aniko, ngu vahi vathu va no huma va txi tsula kani?”

Eksodha 10:24

Sekoko Faro a to dhana Mosi ni Aroni a txi va gela tiya: “Tsulani, mi txi ya khozela Mkoma, Txizimu txanu. Ku na sale mitxhambi ya tinvuta ni ya tihomu dwe; vanana vanu tsulani navo.”

Isaya 28:22

Konkuwa koko, mi nge ngadi mi tseketsela; kasi ku asi mi nga sungwa ngu sona si si pswitwi; nguko se ni pfite Mkoma, Txizimu txa Mabutho a Tiyimbi, a txi womba-womba ngu kuhoxota, se atiya ti tsanisilwe txitimwi ka otshe mafu.