Eksodha 8:22 - Bhiblia Yo Sawuleka

²² Se ka ditshiku dile, ni na hambanisa ditiko da Goxeni, adi va zumbako ka dona vathu vangu, ti to ku si maneki koneyo mabhawu, se u na tiziva ti to ani ngani Mkoma hagari ka ditiko dotshe.

Eksodha 8:22 Referans Kwoze

Eksodha 9:4

Se Mkoma a na hambanisa mitxhambi ya Vaisrayeli ni mitxhambi ya Vaegipta, kha ku na mbi fa ni txa tximwetxo txifuyo txi txi lumbako vanana va ka Israyeli.

Malakiya 3:18

Sekoko mi na wona kambe kuhambana ka wo lulama ni wo biha, hagari ka wule a thumelako Txizimu, ni wule asi txi thumeliko.

Eksodha 10:23

Mmwani ni mmwani a ti sikoti kuwona mmwani, ni wammweyo kha sikota kukhukha ka wukhalo wule a nga ti ka wona, mndani ka masiku mararu; ditikoni kotshe ka Egipta ni ka makhalo otshe. A mu ku nga txi maneka vanana va ka Israyeli ku ti ti ho kuwonekela.

Ezekhiyele 30:19

Ngu tona eto, ni na lamula kona Egipta, va na tiziva taku ani ngani Mkoma.

Eksodha 9:6

Se Mangwanani ka kona, Mkoma a mahile toneto a nga ti womba, sihari sotshe sa Vaegipta si manekile si di fite; aniko ni txa tximwetxo txihari txi lumbako vanana va ka Israyeli kha txa fa.

Masalmo 110:2

Mkoma a na rumela ngu Siyoni ndonga yako ya mfumo; fuma txitimwi ka valala vako!

Eksodha 12:13

Ti di ngeto, mnoha wu na va txikombiso txanu tinyumbani mu mi manekako ka tona: Ngako ani ni txi wona mnoha, ni na pinda ni txi ya masoni, ti to ku si maneki dikhombo hagari kwanu do lovisa, mbimo yi ani ni no peka ditiko da Egipta ngu lifo.

Eksodha 9:29

Sekoko Mosi a xamute a txi khene: “Msana ka kuva ni di humile mu didhoropani ni na nawuluta manza angu ka Mkoma; singwalangwanda si na ema, kambe kha ku na mbiswa ku txi wa mati a maralala, kasiku u txi ziva to ditiko di lumba Mkoma.

Eksodha 9:26

Ditikoni ka Goseni, amu va nga ti ka dona va ka Israyeli, ku ti si wi mati a maralala.

Eksodha 8:10

Faro a to womba a txi khene: “Mangwana.” Se Mosi a txi khene: “Ti na maheke nga kuwomba kwako, kasiku u tiziva tito, kha ku nga ho mmwani wo fana ni Mkoma, Txizimu txathu.”

Eksodha 7:17

Ngu tiya Mkoma a nga womba: Konkuwa u na tiziva ti to ani ngani Mkoma: Ngu ndonga yiya ni ku nayo manzani ni na peka mati a mnambo, se ona ma na hinduka ma txi maha mnoha.

Masalmo 74:12

Txizimu, kukhukhela ka mbimo ya kale u Mkoma wangu; u xute valala sikhati so tala ka diya ditiko.

Eksodha 7:5

Sekoko Vaegipta va na tiziva ti to ani ngani Mkoma, ngako ni txi nawuluta dianza dangu txitimwi ka Egipta, ni txi humisa vanana va ka Israyeli hagari kwawe.

Eksodha 8:21

Nguko u si leki vathu vangu va txi tsula, ziva ti to ni na ruma mabhawu txitimwi kwako, ni txitimwi ka sithumi sako ni txitimwi ka vathu vako, ni mu tinyumbani kwako. Tinyumbani ka Vaegipta ni ditikoni mu va manekako kona vona, ku na tala ngu mabhawu.

Eksodha 8:23

Se ni na hambanisa hagari ka vathu vangu ni vathu vako; mangwana ngu kona ku no maheka mhaka ya txixaniso txiya.”

Eksodha 19:5

Kukhukhela ka kuwa, ngako mi txi engisa dipswi dangu, mi txi londeta mhaka ya txitumelelano txangu, hagari ka votshe vathu, sekoko mi na va mi di thomba yangu. Nguko dotshe ditiko ndangu.

Eksodha 20:11

Nguko ngu mtxhanu wa masiku ni dimwedo, Mkoma a vangile nzuma ni mafu, ni linene, ni sotshe asi si kuho, se a to humulela ngu ditshiku da wutxhanu ni mambidi; ngu mhaka yeto, Mkoma a katekisile ditshiku da Sabbata a txi di sawulekisa.

Genesisi 46:34

“Sekoko mi na khanu: Athu sithumi sako, hi vafuyi va sifuyo, kukhukhela ha wananani kwathu kala nyamsi, ngu wonewo mthumo wathu, hotshe ni vatate vathu. Wombisani toneto kasiku mi na mana kuya zumba Goxeni, nguko Vaegipta kha va dhundi vathu va i ku vadyisi.”