Eksodha 8:21 - Bhiblia Yo Sawuleka

²¹ Nguko u si leki vathu vangu va txi tsula, ziva ti to ni na ruma mabhawu txitimwi kwako, ni txitimwi ka sithumi sako ni txitimwi ka vathu vako, ni mu tinyumbani kwako. Tinyumbani ka Vaegipta ni ditikoni mu va manekako kona vona, ku na tala ngu mabhawu.

Eksodha 8:21 Referans Kwoze

Isaya 7:18

Nguko ku na maheka taku, ka ditshiku dileya, Mkoma a na vetela mloti tiphuka ti tiku magwito ka mnambo wa Egipta, ni tinombe ti ti tsimbilako ditikoni da Asiriya.

Masalmo 105:31

Txizimu txi rumile ku txi humelela mtungu wa tiphuka ni tithwala ka dotshe ditiko da Egipta.

Masalmo 78:45

Txi va rumete mabhawu, ma txi va lumetela, ni makhele ma txi va daya.

Eksodha 8:20

Mkoma a wombile ka Mosi, a txi khene: Khukha ni mixo u txi ya ema masoni ka Faro; nguko ene a na huma a txi ya matini ka mnambo, u txi ya m'gela tiya: “Mkoma a khene: Leka vathu vangu va txi tsula, veya ni khozela.

Eksodha 8:22

Se ka ditshiku dile, ni na hambanisa ditiko da Goxeni, adi va zumbako ka dona vathu vangu, ti to ku si maneki koneyo mabhawu, se u na tiziva ti to ani ngani Mkoma hagari ka ditiko dotshe.

Eksodha 8:24

Se Mkoma a mahile tona eto, mabhawu amangi ngutu ma to wulela nyumbani ka Faro, ni tinyumbani ka mahalamu akwe, ni ditikoni kotshe ka Egipta; ni dotshe ditiko da Egipta di to onheka ngu mhaka ya mabhawu.

Eksodha 10:6

Humbi yi na tata tinyumba tako, ni tinyumba ta sithumi sako, ni totshe tinyumba ta Vaegipta, humbi yi yi si ziviko kuwonwa ngu vatate vako, ni vatate va vatate vako, kukhukhela ka ditshiku di va nga maneka ha ditikoni kala nyamsi.” Se Mosi a to tshembereka e huma masoni ka Faro.