Eksodha 8:19 - Bhiblia Yo Sawuleka

¹⁹ Sekoko tiñanga ti to kha tona ka Faro: “Aliya litiho la Txizimu!” Hambi keto, mbilu ya Faro yi simamile yi txi banga, ngu mhaka yeto kha va engisa, nga ti Mkoma a nga ti wombile.

Eksodha 8:19 Referans Kwoze

Luka 11:20

Kambe ngako ni txi tovela madhimoni ngu litiho la Txizimu, kha ditshuri Mfumo wa Txizimu wu hokile kwanu.

Masalmo 8:3

Ngako ni txi wonisisa nzuma, mthumo wa manza ako, ni mtxima ni tinyeleti, asi u nga si maha, ni pimisa ni txi khani;

Matewu 12:28

Aniko ngako ni txi tovela madhimoni ngu Moya wa Txizimu, kha ditshuri Mfumo wa Txizimu wu hokile kwanu.

Eksodha 7:5

Sekoko Vaegipta va na tiziva ti to ani ngani Mkoma, ngako ni txi nawuluta dianza dangu txitimwi ka Egipta, ni txi humisa vanana va ka Israyeli hagari kwawe.

Mithumo 4:16

va txi kha vona: “Hi na va maha txani vathu vava kani? Nguko i mhaka yi yi ziwako ngu votshe va va nga aka Jerusalema, ti to txixamaliso txa hombe txi mahilwe ngu vona; ti ha kubasani, kha hi sikoti kukaneta.

Johani 11:47

Se vaphaxeli va hombe ni Vafarisi va to tshangana, va txi kha vona: “Hi na maha txani ngu m'thu wuwa, eko a mahako sidiwukiso so tala, kani?

Dhaniyeli 2:19

Sekoko txihunja txi to wonekiswa ka Dhaniyeli, amu ka mloro, ni wusiku; se Dhaniyeli a to dhumisa Txizimu txa nzumani.

1 Samuwele 6:9

Sekoko wonani: Ngako txi txi kwelela ngu nzila ya m'hingano wa kuya Bheti-Semi, ngu txona Txizimu txi nga hi vangela dikhombo diya da hombe; ani i si ngeto, hi na tiziva taku dianza dakwe kha da hi gwesa, ni ti taku eto ti to hi humelela dwe.

1 Samuwele 6:3

Vona va to kha vona: Ngako mi txi tshumeta dibhokiso da Txizimu txa ka Israyeli, mi ngadi tshumeteni di si na txilo, aniko di rumeleni ni mningelo wo dihela mnandu; sekoko mi na kalamuka, kambe mi na ziviswa mhaka yi yi mahako ti to dianza da Txizimu di si khukhi kwanu.

Eksodha 10:7

Konako, mahalamu a Faro ma m'gete ku kha ona: “Awuwa m'thu a na hi vangela makhombo kala mbimo muni kani? Leka vathu va txi tsula kasi va txi ya khozela Mkoma, Txizimu txawe. Awe khu ti woni ti to ditiko da Egipta da lova kani?”

Eksodha 7:4

Faro koko kha na mbi mi engisa; hambi ka toneto ani ni na veka dianza dangu txitimwi ka Egipta, nina humisa mabutho angu mu ditikoni ka Egipta, vona vathu vangu, vanana va ka Israyeli, ngu sitsayiso sa hombe.

Eksodha 7:13

Hambi ti di ngeto, mbilu ya Faro yi manekile yi txi banga ngutu, asi tumeli ku va engisa, nga ti Mkoma a nga ti va gelisile tona.

Genesisi 41:24

Se mihumbo yile ya miburu, yi to khadamula yile ya mtxhanu ni yimbidi yo pfuna. Ani ni xawutete ka vale vo txhariha, aniko kha ka maneka ni wammweyo wo ni txhamuselo.

Eksodha 9:4

Se Mkoma a na hambanisa mitxhambi ya Vaisrayeli ni mitxhambi ya Vaegipta, kha ku na mbi fa ni txa tximwetxo txifuyo txi txi lumbako vanana va ka Israyeli.

Eksodha 9:26

Ditikoni ka Goseni, amu va nga ti ka dona va ka Israyeli, ku ti si wi mati a maralala.

Eksodha 10:23

Mmwani ni mmwani a ti sikoti kuwona mmwani, ni wammweyo kha sikota kukhukha ka wukhalo wule a nga ti ka wona, mndani ka masiku mararu; ditikoni kotshe ka Egipta ni ka makhalo otshe. A mu ku nga txi maneka vanana va ka Israyeli ku ti ti ho kuwonekela.

Eksodha 11:7

Aniko, hagari ka vanana va ka Israyeli, kukhukhela ka vathu kala ka sihari, hambi kudila ka yimbwa kha ku na mbi pfala kasi mi txi tiziva ti to Mkoma a mahile kuhambana hagari ka ditiko da Egipta ni ka vanana va ka Israyeli.