Eksodha 8:15 - Bhiblia Yo Sawuleka

¹⁵ Aniko Faro mbimo yi a nga wona ti to i txhukwana, mbilu yakwe yi to banga. Ngu mhaka yeto, kha nga va engisa, nga ti Mkoma a nga ti wombile.

Eksodha 8:15 Referans Kwoze

Isaya 26:10

Hambi ku txi divalelwa m'bihi, kha ti mmahi e gonda wululamo, hambi ditikoni ka wululamo, ene a maha kubiha, kambe kha nga ni mhaka ni wuhombe wa Mkoma.

Vahebheru 3:15

ngako ku txi wombwa ku; “nyamsi, ngako mi txi engisa dipswi da Txizimu, mi nga bangiseni timbilu tanu, kufana ni ti ti nga maheka kudukwani.”

Vahebheru 3:8

mi nga bangiseni timbilu tanu, nga ati ti nga maheka kudukwani ngu ditshiku da txiduko;

Ekleziyaste 8:11

Nguko kulamulwa ka wo biha kha ku kuluveti kuta, ngu mhaka yeto, timbilu ta vanana va vathu ti navela kumaha wubihi.

Eksodha 7:4

Faro koko kha na mbi mi engisa; hambi ka toneto ani ni na veka dianza dangu txitimwi ka Egipta, nina humisa mabutho angu mu ditikoni ka Egipta, vona vathu vangu, vanana va ka Israyeli, ngu sitsayiso sa hombe.

Eksodha 14:5

Ngako mfumeli wa Egipta a di zivisilwe ti to vathu va thavile, mbilu ya Faro ni timbilu ta mahalamu akwe ti to txitxeka ve wukela vathu. Se vona va to womba va txi kha vona: “Hi mahile tiya ngu txani, hi txi leka va ka Israyeli ve tsula, ve leka ku hi thumela kani?”

Eksodha 4:21

Se Mkoma a to khene ka Mosi: “Ngako u txi tshumela uya ditikoni ka Egipta, alakanya kuya maha ka Faro sotshe sixamaliso si ni nga si veka manzani kwako; aniko ani ni na bangisa mbilu yakwe ti to asi leki vathu ve huma ve tsula.”

Mtuletelo 16:9

Se vathu ve hya ngu kuhisa ka hombe, ve khata kuruketela ditina da Txizimu, txi txi ku ni mtamo txitimwi ka mitungu yiya. Kambe kha va hunduluka ve txi pfalisa.

Hoseya 6:4

Awe Efrayime ni na maha txani ngu ngawe kani? Na maha txani ngu ngawe, awe Judha kani? Nguko lirando lanu li fana ni direfu da mixo, ni ku nga mwando wa mabimbi-kutxa, wu kuluvetako kutshatsheka.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Eksodha 8:8

Se Faro a to ruma kudhanwa Mosi ni Aroni, a txi khene kwawe: “Kombelani ka Mkoma kasiku e thavisa makhele ahawa kwangu, ni na leka vathu va txi huma, kasi va txi ya maha mphaxo ka Mkoma.”

Eksodha 8:14

Vathu va to ma wungeletela ma txi maha tindunduma, aha koza ditiko di txi nyetwa di txi nunga.

Eksodha 8:16

Mkoma a wombile ka Mosi a txi khene: Gela Aroni u txi khawe: “Guleta ndonga yako u txi peka lithulu la mafu, ku na maneka tithwala ditikoni kotshe ka Egipta.”

Eksodha 8:28

Sekoko Faro a to khene: “Ni na mi leka mi tsula, mi ya maha mphaxo ka Txizimu txanu txiwulani; aniko mi nga yeni kule; ni khongeleleni nani.”

Eksodha 8:29

Se Mosi a to khene: “Konkuwa ni no maneka ni di humile hawa, ni na khongela ka Mkoma. Mangwana mabhawu, ma na thava ka Faro, ni ka mahalamu akwe, ni ka vathu votshe; aniko Faro a nga engete a txi ni dyelela, asi leki vathu va txi tsula kuya maha mphaxo ka Mkoma.”

Eksodha 8:32

Aniko, hambi ni ka txiya txikhati, Faro a to bangisa mbilu yakwe, kha leka vathu va txi tsula.

1 Samuwele 6:6

Mi ndi na bangisela txani koko timbilu tanu, kufana ni Vaegipta ni Faro va nga bangisa timbilu tawe kani? Ina msana kova va di va xanisile ngutu, kha va va leka ve tsula, vona kha va tsula kani?

Mavingu 26:11

Nga yimbwa yi tshumelelako ka makosa a yona, ngu tona eto ni txiphukuphuku, kha txi leki wuphukuphuku wa txona.

1 Samuwele 6:3

Vona va to kha vona: Ngako mi txi tshumeta dibhokiso da Txizimu txa ka Israyeli, mi ngadi tshumeteni di si na txilo, aniko di rumeleni ni mningelo wo dihela mnandu; sekoko mi na kalamuka, kambe mi na ziviswa mhaka yi yi mahako ti to dianza da Txizimu di si khukhi kwanu.

1 Samuwele 6:9

Sekoko wonani: Ngako txi txi kwelela ngu nzila ya m'hingano wa kuya Bheti-Semi, ngu txona Txizimu txi nga hi vangela dikhombo diya da hombe; ani i si ngeto, hi na tiziva taku dianza dakwe kha da hi gwesa, ni ti taku eto ti to hi humelela dwe.

1 Samuwele 6:12

Sekoko tihomu ta mikati ti to tsimbila ngu nzila yo ya Bheti-Semi, ti txi londeta nzila yimweyo, ti tsimbila na ti txi bhoma-bhoma, ti si jiki tiya txinene mwendo txibhabha; se vathangeli va Vafilista va to londisela ngu msana ka tona, kala mhinganoni ka Bheti-Semi.