Eksodha 8:12 - Bhiblia Yo Sawuleka

¹² Sekoko Mosi ni Aroni va to khukha hafuhi ka Faro; se Mosi a to khongela ka Mkoma ngu mhaka ya makhele aawa a nga ti rumete ka Faro.

Eksodha 8:12 Referans Kwoze

Ezekhiyele 36:37

Mkoma Txizimu a khene: Kambe ngu mhaka ya tona eto, nyumba ya ka Israyeli yi na ni kombela, ati to ni txi yi mahela: Kuandisa vathu va yona, kufana ni mtxhambi.

1 Samuwele 12:23

Se ti nave kule ni nani kuonhela Mkoma, ngu kuleka ku mi kombelela; kambe ni na mi gondisa nzila ya yi nene ni yo lulama.

Eksodha 32:11

Mosi a to khongela ka Mkoma, Txizimu txakwe, a txi khene: “Mkoma, ngu kutxani kuhenya kwako ku txi tura u txi wukela vathu vako, avale u nga va humisa ditikoni ka Egipta, ngu mtamo wa hombe ni dianza do tsana kani?

Eksodha 10:18

Mosi, ngako a di khukhile masoni ka Faro, a to khongela ka Mkoma.

Eksodha 9:33

Konako, Mosi a to khukha ka Faro e huma mu didhoropani, se e nawuluta manza akwe a txi ma komba ka Mkoma Txizimu. Singwalangwanda ni mati a maralala si to ema, se kha ka nga wa kambe mati a maralala ha ditikoni.

Eksodha 8:30

Sekoko Mosi a to huma ngu nyumbani ka Faro, a txi ya khongela ka Mkoma.

Eksodha 8:8

Se Faro a to ruma kudhanwa Mosi ni Aroni, a txi khene kwawe: “Kombelani ka Mkoma kasiku e thavisa makhele ahawa kwangu, ni na leka vathu va txi huma, kasi va txi ya maha mphaxo ka Mkoma.”

Eksodha 8:13

Se Mkoma a to maha nga ti Mosi a nga khongelisa tona; se makhele ma to fa mu tinyumbani, mu magumani ni mu tithembweni.

Masalmo 105:31

Txizimu txi rumile ku txi humelela mtungu wa tiphuka ni tithwala ka dotshe ditiko da Egipta.