Eksodha 8:11 - Bhiblia Yo Sawuleka

¹¹ “Makhele ma na thava kwako, ni mu nyumbani kwako, ni ka mahalamu ako, ni ka vathu vako votshe; ma txi maneka mnamboni ka Nilo dwe.”

Eksodha 8:11 Referans Kwoze

Eksodha 8:9

Se Mosi a to khene ka Faro: “U na ni fanelo yo womba kwangu ti to ngu yihi mbimo ni no kukhongotela ngu yona awe ni mahalamu ako, ni vathu vako, kasiku makhele ma txi thaviswa kwako ni tinyumbani kwako, ma txi sala mnamboni ka Nilo dwe.”

Eksodha 8:3

Mnambo wu na tala ngu makhele, ona ma na kwela ma txi wulela mu nyumbani kwako, mu txibhiyani kwako ko otela kona, txitimwi ka m'bhedhu wako, ni mu tinyumbani ka mahalamu ako ni ka ngamu yako yotshe, ni mu sikhoni kwako, ni mu timbiyani kwako.

Eksodha 8:13

Se Mkoma a to maha nga ti Mosi a nga khongelisa tona; se makhele ma to fa mu tinyumbani, mu magumani ni mu tithembweni.

Eksodha 8:12

Sekoko Mosi ni Aroni va to khukha hafuhi ka Faro; se Mosi a to khongela ka Mkoma ngu mhaka ya makhele aawa a nga ti rumete ka Faro.

Eksodha 4:21

Se Mkoma a to khene ka Mosi: “Ngako u txi tshumela uya ditikoni ka Egipta, alakanya kuya maha ka Faro sotshe sixamaliso si ni nga si veka manzani kwako; aniko ani ni na bangisa mbilu yakwe ti to asi leki vathu ve huma ve tsula.”

Eksodha 7:13

Hambi ti di ngeto, mbilu ya Faro yi manekile yi txi banga ngutu, asi tumeli ku va engisa, nga ti Mkoma a nga ti va gelisile tona.

Eksodha 7:14

Sekoko Mkoma a to khene ka Mosi: “Mbilu ya Faro yi na ni txitsikivi, wa lamba kuleka vathu va txi tsula.”