Eksodha 8:10 - Bhiblia Yo Sawuleka

¹⁰ Faro a to womba a txi khene: “Mangwana.” Se Mosi a txi khene: “Ti na maheke nga kuwomba kwako, kasiku u tiziva tito, kha ku nga ho mmwani wo fana ni Mkoma, Txizimu txathu.”

Eksodha 8:10 Referans Kwoze

Isaya 46:9

Alakanyani timhaka ti ti nga pinda ta kale ngutu: Taku ani ngani Txizimu, se kha ku na tximwani Txizimu, kha ku nga ni tximwani txo fana ni nani;

Masalmo 86:8

Kha si nga ho sizimu si si dinganako ni nawe, Mkoma; kuwalo wu a sikotako kumaha ati awe u mahako.

1 Makronika 17:20

Awe Mkoma, kha ku na wo fana ni nawe, kha ku na tximwani Txizimu hahanze kwako, madingano ni totshe ti hi nga tipfa ngu tinzeve tathu.

2 Samuwele 7:22

Ngu toneto, u wa hombe ngutu, awe Mkoma Txizimu, nguko kha ku na wo fana ni nawe, kambe kha ku na tximwani Txizimu, hahanze kwako dwe, madingano ni totshe ti hi nga tipfa ngu tinzeve tathu.

Dhewuteronome 33:26

Awe Jesurumi kha nga ho wa kufana ni Txizimu, a tako a di gadhile tinzuma kasi ku ta ku vhuna, a tako ni wuhombe wakwe txitimwi ka marefu!

Eksodha 9:14

Nguko, ka mbimo yiya, ni na ruma makhombo otshe kwako, ni ka mahalamu ako, ni ka votshe vathu vako, kasiku u txi tiziva ti to kha ku nga ho mmwani wo fana ni nani ha ditikoni kotshe.

Jakobe 4:14

Anu, ni ka kudotho kha mi tizivi ti ti no maheka mangwana! Wutomi wanu nji txani, kani? Nguko anu mi hunguva yi yi humelelako mbimwanyana, yi txi hangalaka.

Isaya 40:25

Mi na ni fananisa ni mani koko, kasi ku ni txi fana nayo kani? Kuwomba Msawuleki.

Mavingu 27:1

U nga ti thembisele ngu ditshiku da mangwana, nguko khu ti zivi ati di no kuninga ditshiku da mangwana.

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

Dhewuteronome 32:31

Nguko dirigwi dawe kha di fani ni Dirigwi dathu, ni valala vathu ndifakazi ta mhakeyo.

Dhewuteronome 4:35

U ningilwe kuwona totsheto, kasi ku u txi tiziva ti to Mkoma ngene ekha i ku Txizimu; kha txi ngaho tximwani hahanze ka txona.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Eksodha 9:29

Sekoko Mosi a xamute a txi khene: “Msana ka kuva ni di humile mu didhoropani ni na nawuluta manza angu ka Mkoma; singwalangwanda si na ema, kambe kha ku na mbiswa ku txi wa mati a maralala, kasiku u txi ziva to ditiko di lumba Mkoma.

Eksodha 8:9

Se Mosi a to khene ka Faro: “U na ni fanelo yo womba kwangu ti to ngu yihi mbimo ni no kukhongotela ngu yona awe ni mahalamu ako, ni vathu vako, kasiku makhele ma txi thaviswa kwako ni tinyumbani kwako, ma txi sala mnamboni ka Nilo dwe.”

Dhewuteronome 3:24

“Mkoma Txizimu, se u khatile kukombisa ka txithumi txako, wuhombe wako ni dianza dako da mtamo; nguko njizimu muni txi kuho nzumani ni mafuni, txi nga sikotako kumaha mithumo yo nga yako, ngu mtamo wo fana ni wako kani?

Dhewuteronome 4:39

Ngu toneto, ti zive nyamsi u txi ti pimisa mbiluni kwako tito, Mkoma ngene ekha i ku Txizimu, txitimwi nzumani, ni hahatshi ha mafuni; kha ku nga ho tximwani.

Isaya 40:18

Mi nga txi fananisa ni mani koko Txizimu, mwendo mi nga txi fananisa ni txani kani?