Eksodha 8:1 - Bhiblia Yo Sawuleka

¹ Msana keto, Mkoma a to khene ka Mosi: Tsula ka Faro u txi ya m'gela tiya: “Mkoma a khene: Leka vathu vangu va txi tsula, kasi va txi ya ni khozela.”

Eksodha 8:1 Referans Kwoze

Eksodha 3:18

Se vona va na engisa dipswi dako; u na tsula awe ni madhota a ka Israyeli ka Faro, mfumeli wa Egipta, u txi ya m'gela tiya: Mkoma, Txizimu txa Vahebheru, a tile kwathu. Konkuwa hi leke hi txi teka dipfhumba da masiku mararu hi txi tsula txiwulani, kasi hi txi ya phaxa ka Mkoma Txizimu txathu.

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Eksodha 5:1

Ngu msana ka totshe Mosi ni Aroni va to tsula va txi ya wonana ni Faro, va txi ya kha vona: “Mkoma, Txizimu txa ka Israyeli, a womba tiya: Leka vathu vangu ve tsula, kasiku va txi ya ni mahela m'buso txiwulani.”

Eksodha 7:16

Awe u na ya m'gela ku khawe: “Mkoma Txizimu txa Vahebheru, a ni rumile kwako, a khene: Leka vathu vangu va txi huma, kasiku va txi ya ni khozela txiwulani. Nguko kala ni kuwa awe khu lavi ku ni engisa.

Eksodha 4:23

Ani ni kugete ti to khani: Leka mwanana wangu wa matiwula a txi tsula, kasiku a txi ya ni thumela! Aniko ngako u txi lamba ku mleka a txi tsula, ani ni na daya mwanana wako wa matiwula.

Eksodha 5:3

Vona va wombile va txi kha vona: “Txizimu txa Vahebheru txi tile kwathu. Ngu mhaka yeto hi leke hi txi teka dipfhumba da masiku mararu hi txi tsimbila mu txiwulani, kasi ku hi txi ya phaxa ka Mkoma, Txizimu txathu, kasi txi si hi dayi ngu mtungu ni ditxhari!”

Eksodha 7:25

Ku to pinda mtxhanu wa masiku ni mambidi, na Mkoma a di pekile mnambo.

Eksodha 8:2

Nga ti u txi lamba ku va leka va txi tsula, ni na tata ditiko dako dotshe ngu makhele.

Eksodha 8:20

Mkoma a wombile ka Mosi, a txi khene: Khukha ni mixo u txi ya ema masoni ka Faro; nguko ene a na huma a txi ya matini ka mnambo, u txi ya m'gela tiya: “Mkoma a khene: Leka vathu vangu va txi tsula, veya ni khozela.

Eksodha 9:1

Msana keto, Mkoma a to khene ka Mosi: Tsula ka Faro, u txi ya m'gela tiya: Ngu tiya a wombako Mkoma, Txizimu txa Vahebheru: Leka vathu vangu va txi tsula, kasi va txi ya ni khozela.

Joxuwa 8:18

Sekoko Mkoma a to khene ka Joxuwa: “Guleta ditxhari di u ku nado manzani kwako, u txi xungameta didhoropani ka Ayi, nguko ni na di ningela manzani kwako.” Se Joxuwa a to guleta ditxhari di di nga ti ti manzani kwakwe, di txi xungameta didhoropani.

Masalmo 105:30

txi tatile ditiko ngu makhele, awa ma nga hoka mndani ka tinyumba ta mfumeli.