Eksodha 7:9 - Bhiblia Yo Sawuleka

⁹ “Nga ti Faro a txi khene: Mahani sidiwukiso ngu didhawa danu; konako u na gela Aroni u txi khawe: Teka ndonga yako u txi rinza hahatshi masoni ka Faro; yona yi na hinduka yi txi maha mnyoka.”

Eksodha 7:9 Referans Kwoze

Johani 2:18

Se Vajudha va to womba-womba, va txi kha vona kwakwe: “Njikombiso muni u hi kombisako ngu txona ti to u na ni mtamo wa kumaha toneto kani?”

Isaya 7:11

Ti kombelele ka Mkoma, Txizimu txako, txikombiso to kari; kombela ti to txi huma ngu hahatshi ko tshima, mwendo ngu txitimwi ko guleka ngutu.

Eksodha 4:2

Se Mkoma a to khene ka Mosi: “Njitxani etxo u ku natxo manzani kwako kani?” A to xamula a txi khene: “I ndonga.”

Johani 6:30

Vona va to womba va txi kha vona: “Nzidiwukiso muni, u si mahako, kasiku, hi txi si wona, hi na kholwa kwako kani? Njilo muni u txi mahako kani?

Eksodha 4:17

Awe u na ñola ndonga yiya manzani kwako, u txi maha sikombiso ngu yona.”

Eksodha 10:13

Sekoko Mosi a to guleta ndonga yakwe txitimwi ka ditiko da Egipta. Mkoma a to wuyisa mu ditikoni ka Egipta diphuho da wutxani ka dotshe ditshiku dile ni ka wotshe wusiku wule. Mbimo yi di nga txa, diphuho da wutxani di manekile di txi wuyisa humbi.

Johani 10:38

Aniko, ngako ni txi yi thuma, hambi mi si kholwi kwangu, kholwani ka yona mithumo, kasi ku tiziva, mi va mi txi ti zivisisa ti taku Tate a kwangu, nani ni kwakwe.”

Matewu 12:39

Se ene a to va xamula a txi khene: “Liveleko la tshofu ni la wugango li lava txikombiso, aniko kha li na mbi ningwa tximwani txikombiso, hahanze ka txikombiso txa mprofeti Jona.

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Eksodha 9:23

Mosi a to gwimba ndonga yakwe a txi yi komba txitimwi. Mkoma a to ruma singwalangwanda ni mati a maralala, ku to relela mndilo ha mafuni. Txizimu txi to maha ti to ma txi wa mati a maralala ha ditikoni kotshe ka Egipta.

Eksodha 4:20

Mosi koko, a to teka msikati wakwe ni vanana vakwe a txi va gadhisa mbongola a txi tshumela a txi ya ditikoni ka Egipta. Mosi a to teka ndonga ya Txizimu a txi yi ñola manzani kwakwe.

Eksodha 7:8

Se Mkoma a to womba ka Mosi ni ka Aroni, a txi khene:

Eksodha 4:3

Se ene a to khene: “Yi tshotshe hahatshi.” Ene a to yi tshotsha hahatshi, se yi to hinduka yi maha mnyoka, se Mosi a to thava ndonga, mbimo yi a nga yi wona.