Eksodha 7:4 - Bhiblia Yo Sawuleka

⁴ Faro koko kha na mbi mi engisa; hambi ka toneto ani ni na veka dianza dangu txitimwi ka Egipta, nina humisa mabutho angu mu ditikoni ka Egipta, vona vathu vangu, vanana va ka Israyeli, ngu sitsayiso sa hombe.

Eksodha 7:4 Referans Kwoze

Eksodha 11:9

Mkoma a to womba ka Mosi a txi khene: “Faro kha na mbi mi engisa, kasiku sidiwukiso sangu si txi anda ditikoni ka Egipta.”

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mtuletelo 16:7

Se ni to engisa yimwani ngelozi yi txi kha yona: “Ina, Mkoma, Txizimu txa mtamo wotshe. Kulamula kwako ku tate ngu ditshuri ni kululama.”

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Ezekhiyele 30:19

Ngu tona eto, ni na lamula kona Egipta, va na tiziva taku ani ngani Mkoma.

Ezekhiyele 30:14

Se Patrosi a na va dirumbi, ni na hisa Zowani, ni na lamula Nomi.

Ezekhiyele 25:11

Kambe ni na maha wulamuli kona Mowabhi, se va ka Mowabhi va na tiziva taku ani, ngani Mkoma.

Ezekhiyele 14:21

Nguko Mkoma Txizimu a khene: Ngutu-ngutu ni txi rumela valamuli vangu va mune va tshofu, ditxhari, nzala, sihari sa tshofu, ni mtungu, kona Jerusalema, kasi kuthavisa vathu ni sihari kani?

Sidilo 3:3

Nguditshuri, ditshiku ni ditshiku a zumbete ku ni peka.

Isaya 26:9

Ngu muhefemulo wangu ni ku lavile ni wusiku, se ngu moya wangu wu ku mndani kwangu, ni na phindula ni kulava, nguko, ku di ni wululami wako ha mafuni, vaaki va ha mafuni va gonda wululamo.

Mavingu 19:29

Wulamuli wu emisetwe vatseketseli, ni sisephu ka makata a siphukuphuku.

Valamuli 2:15

Ni hani mu va nga txi humela kona, dianza da Mkoma di ti va wukela ngu wubihi, nga ti Mkoma a nga ti ti wombile, ni ti Mkoma a nga ti xambanyile; se va ti ti kuxuphekani ka hombe.

Eksodha 10:1

Msana keto, Mkoma a to khene ka Mosi: “Tsula ka Faro, nguko ni bangisile kambe mbilu yakwe, ni timbilu ta mahalamu akwe, kasi kumaha sikombiso sangu hagari kwawe.

Eksodha 9:3

wona taku dianza da Mkoma di na peka mitxhambi yi yi ku bhuwani, ni mahantxhi, ni timbongola, ni makamelu, ni tihomu ni tinvuta, ngu mtungu wa hombe ngutu.

Eksodha 6:26

Aroni ni Mosi, ngu vale Txizimu txi nga womba kwawe txi txi kha txona: Humisani vanana va ka Israyeli ditikoni ka Egipta, ngu mabutho awe a tiyimbi.

Eksodha 3:20

Ngu mhaka yeto, ni na nawuluta dianza ni txi peka ngu dona ditiko da Egipta, ngu sixamaliso sotshe ni no si maha kwawe; msana ka toneto ngu kona ene a no mi leka mi txi tsula.

Eksodha 3:19

Ani na tiziva ti to Faro, mfumeli wa Egipta, kha na mbi mi leka mi txi tsula, hahanze ko kurumetwa ngu dianza da mtamo.

Eksodha 6:1

Sekoko Mkoma a to khene ka Mosi: “Konkuwa, u na wona ti ni no maha ka Faro, nguko ngu mhaka ya mtamo wa dianza dangu, ene a na va leka va txi tsula, ni mhaka ya mtamo wa dianza dangu a na va tutumisa ditikoni kwawe!”

Eksodha 7:13

Hambi ti di ngeto, mbilu ya Faro yi manekile yi txi banga ngutu, asi tumeli ku va engisa, nga ti Mkoma a nga ti va gelisile tona.

Eksodha 7:16

Awe u na ya m'gela ku khawe: “Mkoma Txizimu txa Vahebheru, a ni rumile kwako, a khene: Leka vathu vangu va txi huma, kasiku va txi ya ni khozela txiwulani. Nguko kala ni kuwa awe khu lavi ku ni engisa.

Eksodha 8:15

Aniko Faro mbimo yi a nga wona ti to i txhukwana, mbilu yakwe yi to banga. Ngu mhaka yeto, kha nga va engisa, nga ti Mkoma a nga ti wombile.

Eksodha 8:19

Sekoko tiñanga ti to kha tona ka Faro: “Aliya litiho la Txizimu!” Hambi keto, mbilu ya Faro yi simamile yi txi banga, ngu mhaka yeto kha va engisa, nga ti Mkoma a nga ti wombile.

Eksodha 9:12

Kambe Mkoma a bangisile mbilu ya Faro, se ene kha nga va engisa, nga ti Mkoma a nga ti wombisile tona ka Mosi.

Eksodha 13:3

Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.

Eksodha 13:9

Txi nava i di txialakanyiso manzani kwanu, ni ha mbanza kwanu, kasiku Mlayo wa Mkoma wu txi zumba sisofuni kwanu; nguko Mkoma a mi humisile ditikoni ka Egipta ngu dianza da mtamo.

Eksodha 18:8

Se Mosi a to xawutela ka tate wakwe ngu ka msikati wakwe, totshe ti Mkoma a nga ti maha ka Faro ni ka Vaegipta, ngu mhaka ya va ka Israyeli, kumweko ni sotshe sikarato si va nga si mana dipfhumbani kwawe, asi ene Mkoma a nga va hulukisa ka sona.