Eksodha 7:23 - Bhiblia Yo Sawuleka

²³ Faro a to tshumela a txi ya nyumbani kwakwe; hambi ka toneto, kha khatala mu mbiluni kwakwe.

Eksodha 7:23 Referans Kwoze

Malakiya 2:2

Ngako mi si txi engisi, mi si ti emiseli timbiluni kwanu, kuninga txithavo ka ditina dangu, kuwomba Mkoma wa Mabutho a Tiyimbi, ni na rumela makhombo txitimwi kwanu, kambe ni na ruketela tithomba tanu, se ni ti ruketete nguko anu kha mi ti veki eto timbiluni kwanu.

Habhakuki 1:5

Wonani hagari ka matiko, mi wonisisa, mi tsaka, mi xamala; nguko na maha ka masiku anu, mthumo wu anu mi no mbi wukholwa, mbimo yile mi no txhamuselwa.

Ezekhiyele 40:4

Se wamwamna wule a to khene kwangu: Awe mwanana wa m'thu, wona ngu maso ako, u engisa ngu tinzeve tako, kambe veka mbiluni kwako totshe ti ni no ku wonisa; nguko kasi ku ta kukomba tona, awe u to tiswa hawa; zivisa koko ka nyumba ya ka Israyeli, totshe ti u no ti wona.

Jeremiya 36:24

Mfumeli ni sithumi sakwe ngako va ti pfite timhaka tiya, kha va thava, kambe kha va bhandelela simaha sawe,

Jeremiya 5:3

O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Mavingu 24:32

Mbimo yile ni nga ti wona tile, ni to khani; se ni to wonisisa ni gonda to kari.

Mavingu 22:17

Riya nzeve u engisa mapswi a titxhari, mbilu yako yi na londise wuzivi wangu.

Masalmo 62:10

Mi nga thembeni wukhinyavezi, mwendo ku ti kanganyisa ngu sile i ku sa walo. Ngako mi txi wona tithomba tanu ti txi tala, mi nga vekeni timbilu tanu ka tona.

Jobe 7:17

Njitxani m'thu koza u txi mthemba, u veka kwakwe mbilu yako kani?

1 Samuwele 4:20

Se mbimo yile a nga khata kuxala, vavasikati vale va nga ti nayo, va to kha vona: U nga thave koko, u velekile mfana. Kambe ene kha xamula txilo, hambi kukhatala ngu tona.

Dhewuteronome 32:46

a wombile kwawe a txi khene: “Engisani ta tinene otshe mapswi awa nyamsi, ni ma fakazelako masoni kwanu, kasi ku anu mi na ma leleta ka vanana vanu, ti to va txi ma xayisa, va txi ma vekisa, otshe mapswi a mlayo wuwa.

Eksodha 9:21

Aniko, avale va nga mbi khatala ngu dipswi da Mkoma, va to leka sithumi sawe ni mitxhambi yawe ya sifuyo hahanze.

Eksodha 7:22

Kambe titxhari ta Egipta, ni tona, ngu wutxhari wa tona ti to maha nga toneto; mbilu ya Faro yi to banga txima kha va engisa, nga ti Mkoma a nga ti wombile.

Eksodha 7:24

Vaegipta votshe va to kela sisima hafuhi ni minambo kasi kuva txi mana mati amanene; nguko va ti si tikoti kusela mati a mnamboni.

Eksodha 9:20

Hagari ka mahalamu a Faro, avale va nga thava dipswi da Mkoma, va to kuluveta ve wuyisa tinyumbani sithumi sawe kumweko ni mitxhambi yawe ya sifuyo.

Mavingu 28:14

A katekile m'thu wule a simamisako ni txithavo; aniko awule a bangisako mbilu yakwe, a na gwitisa ku wa kubihani.

Isaya 47:7

Se u ti ti khawe: “Ni na va mfumeli wa txisikati yotshe mbimo”; kala kuwa khwa veka timhaka tiya mbiluni kwako, hambi kualakanya magwito a tona.