Eksodha 7:17 - Bhiblia Yo Sawuleka

¹⁷ Ngu tiya Mkoma a nga womba: Konkuwa u na tiziva ti to ani ngani Mkoma: Ngu ndonga yiya ni ku nayo manzani ni na peka mati a mnambo, se ona ma na hinduka ma txi maha mnoha.

Eksodha 7:17 Referans Kwoze

Eksodha 4:9

Ngako va si kholwi ngu ka sikombiso soneso sa simbidi, va si engisi dipswi dako, u na ya reka mati a mnamboni u txi ma thela ha mafuni ko oma; se mati awa u no ma reka mnamboni ma na hinduka ma txi maha mnoha txitimwi ka mafu a kuoma.”

Eksodha 7:5

Sekoko Vaegipta va na tiziva ti to ani ngani Mkoma, ngako ni txi nawuluta dianza dangu txitimwi ka Egipta, ni txi humisa vanana va ka Israyeli hagari kwawe.

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Ezekhiyele 39:28

Sekoko va na tiziva taku ani ngani Mkoma, Txizimu txawe, va txi wona taku ni va mahile ve yiswa wukhumbini hagari ka matiko, ni tshumela ni va sengeleta ve wuya ditikoni kwawe, ni si siyi ni wammweyo kwawe.

Ezekhiyele 38:23

Ngu kumaha keto, ni na ti kulisa, ni txi ti sawulekisa, ni na ti zivanekisa masoni ka matiko amangi; se va na tiziva taku ani ngani Mkoma.

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

Mtuletelo 11:6

Tona ti ni mtamo wa kuseka nzuma ti to ma si wi mati ka masiku a wuprofeti wa txona. Tina ni mtamo kambe wo hindula mati otshe me maha mnoha; tina ni mtamo wo peka mafu ngu mitungu yihi ni yihi, sotshe sikhati, ngako ti txi ti lava.

Mtuletelo 8:8

Se ngelozi ya wumbidi ni yona yi to veta mpundu wa yona. Se txilotxo txo nga mmango wo tura, txi to vinzwa lineneni. Se didhawa da wuraru da linene di to hinduka di maha mnoha;

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Dhaniyeli 5:21

Se a to thaviswa hagari ka vanana va vathu, mbilu yakwe yi hunduka yi fana ni ya sihari, eya zumba ni timbongola ta txitinga; va to mmaha e dya mwasi, kufana ni tihomu, mmidi wakwe wu nakaniswa ngu mwando wa nzumani, kala kuza e tiziva ti to, Txizimu Nyatxitimwi, txa fuma txitimwi ka mifumo ya vathu, ni ku txa ninga wukoma, ka wule txi mrandako.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Dhaniyeli 4:32

Se u na thaviswa hagari ka vathu, u ya zumba ni sihari sa txitinga; va na kumaha udya mwasi kufana ni tihomu, kuza kupinda mtxhanu wa timbimo ni timbidi, an'ze wuziva ti taku Nyatxitimwi wa fuma txitimwi ka mifumo ya vathu, kambe wa ninga ni wihi wu a mrandako.

Dhaniyeli 4:17

Kulamula kuwa kuyelana ni mthetho wa vawoneleli, se kuruma kuwa ngu kule ka mlayo wa vasawuleki; Kasiku va va hanyako ve ziva ti taku Nyatxitimwi wa fuma txitimwi ka mifumo ya vathu, kambe wa ninga ni wuhi a mrandako, kala ka m'thu wa hahatshi ngutu.

Ezekhiyele 32:15

Mbimo yi ni no maha taku ditiko da Egipta di va dirumbi, di maha txisapa txo gwita, ni dayela votshe vale va zumbako ka dona, sekoko va na tiziva ti to ani ngani Mkoma.

Ezekhiyele 30:19

Ngu tona eto, ni na lamula kona Egipta, va na tiziva taku ani ngani Mkoma.

Ezekhiyele 30:8

Se va na tiziva taku ani ngani Mkoma, aha ni no hisa Egipta ngu mndilo, va txi fuviswa votshe vale va nga ti ti m'vhunetela.

Ezekhiyele 29:9

Se ditiko da Egipta di na maha dirumbi ni txiwula; kambe va na tiziva taku ani ngani Mkoma. Nguko u ti khawe: Mnambo mbwangu, ngani ni nga wu maha,

Masalmo 105:29

Txizimu txi hindute mati a minambo me maha mnoha, se txi daya sotshe sihaka;

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Masalmo 78:44

mbimo yi txi nga hindula mati a mnambo ni milonga ya kona me maha mnoha, kasiku Vaegipta va si sikoti ku ma sela.

2 Vafumeli 19:19

Konkuwa koko, awe Mkoma, Txizimu txathu, thumelwa ngu kuva u di hi txhatxhisile, ngu kumaha keto, yotshe mifumo ya ha mafuni yi na tiziva ti to ngawe wekha u Mkoma Txizimu.

1 Vafumeli 20:28

A to bwaka m'thu wa Txizimu a txi ta khene ka mfumeli wa Israyeli: Mkoma a womba tiya: Hambiko Vasiriya va ku kha vona: Mkoma Njizimu txa mimangoni hi nga Txizimu txa mikovani, dotshe dibutho diya da hombe ni na di ningela manzani kwako, kasi u txi na tiziva ti taku ani ni Mkoma.

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

Eksodha 1:22

Sekoko Faro a to layela ka votshe vathu vakwe, a txi khene: “Votshe vanana vavafana va no velekwa va dumwateni mnamboni ka Nilo, aniko, vanana vamahorana va lekeni ve hanya.”

Eksodha 7:20

Se Mosi ni Aroni va mahile nga ti Mkoma a nga va rumisa tona. Ene Aroni a to guleta ndonga, e peka mati a mnambo, ma to txitxeka ma txi maha mnoha.

Eksodha 10:2

Kambe awe u na xawutela ka vanana vako, ni ka vanana va vanana vako, sidiwukiso si ni nga si maha ditikoni ka Egipta ni sikombiso si ni nga si maha hagari kwawe; kasi mi na ziva ti to ngani Mkoma Txizimu.”

Ezekhiyele 25:17

Se ni na phota ngutu kwawe, ngu sitsayiso sa txiviti, kambe va na tiziva taku ani ngani Mkoma, mbimo yi ni no va ni di photile txitimwi kwawe.

Ezekhiyele 32:6

Se mafu ale u sambelako ka ona, ni na ma theletela ngu mnoha wako kala mimangoni, se milonga yi na tala ngu ngawe.