Eksodha 7:15 - Bhiblia Yo Sawuleka

¹⁵ Tsula ka Faro ni mixo: Nguko ene a na huma a txi ya matini; u na ya m'verela ha tikasani ka mnambo, u di ñote ndonga manzani kwako ayile yi ngadi hindukile yi txi maha mnyoka.

Eksodha 7:15 Referans Kwoze

Eksodha 8:20

Mkoma a wombile ka Mosi, a txi khene: Khukha ni mixo u txi ya ema masoni ka Faro; nguko ene a na huma a txi ya matini ka mnambo, u txi ya m'gela tiya: “Mkoma a khene: Leka vathu vangu va txi tsula, veya ni khozela.

Eksodha 7:10

Sekoko Mosi ni Aroni va to tsula ka Faro, va to ya maha nga tonti Mkoma a nga va rumisa tona. Aroni a to rinza hahatshi ndonga yakwe, masoni ka Faro ni masoni ka mahalamu akwe, se yona yi to hinduka yi txi maha mnyoka.

Eksodha 2:5

Se mwanana wa Faro wa dihorana, a to relela eya mnamboni, kasiku eya samba, na kuve sithumi sakwe sa vavasikati si ti tsimbila-tsimbila likasani ka mnambo. Konako a to wona disexita hagari ka makhagala, e ruma mmweyo wa sithumi sakwe, ti to eya di teka.

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Eksodha 7:14

Sekoko Mkoma a to khene ka Mosi: “Mbilu ya Faro yi na ni txitsikivi, wa lamba kuleka vathu va txi tsula.”

1 Makronika 16:21

Txizimu kha txa tumela ti to ni wammweyo e va xupha, ngu mhaka yawe, Txizimu txi kawukile vafumeli, txi txi kha txona: