Eksodha 7:14 - Bhiblia Yo Sawuleka

¹⁴ Sekoko Mkoma a to khene ka Mosi: “Mbilu ya Faro yi na ni txitsikivi, wa lamba kuleka vathu va txi tsula.”

Eksodha 7:14 Referans Kwoze

Eksodha 10:27

Kambe Mkoma Txizimu txi bangisile kambe mbilu ya Faro, aha ko ene kha tumela ku va leka va txi tsula.

Eksodha 10:20

Kambe Mkoma a to bangisa mbilu ya Faro, aha ko kha sikota kuleka vanana va ka Israyeli ve tsula.

Eksodha 10:1

Msana keto, Mkoma a to khene ka Mosi: “Tsula ka Faro, nguko ni bangisile kambe mbilu yakwe, ni timbilu ta mahalamu akwe, kasi kumaha sikombiso sangu hagari kwawe.

Eksodha 8:15

Aniko Faro mbimo yi a nga wona ti to i txhukwana, mbilu yakwe yi to banga. Ngu mhaka yeto, kha nga va engisa, nga ti Mkoma a nga ti wombile.

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Zakariya 7:12

Ina, va bangisile timbilu tawe ti fana ni marigwi a dhayimani, kasi ku va si engisi mlayo, ni mapswi awa Mkoma wa Mabutho a Tiyimbi a nga ti ma rumete ngu Moya wakwe, a txi thuma nga vaprofeti vo khata, ngumo ku nga ta ngu kona kuhenya ka hombe ka Mkoma wa Mabutho a Tiyimbi.

Jeremiya 9:6

U akile hagari ka wukanganyisi, ngu mhaka ya wukanganyisi va lamba ku ni ziva, kuwomba Mkoma.

Jeremiya 8:5

Ngu kutxani vathu va Jerusalema ve timela da magwito kani? Va tsani mu ka kutimela, va lamba kuwuya.

Isaya 1:20

Aniko ngako mi txi ni tshuralela mi si ni engisi, mi na guma ngu ditxhari, nguko txisofu txa Mkoma txi wombile.

Eksodha 10:4

Ngako u txi simama u lamba, u si leki vathu vangu ve huma, wona taku mangwana ni na tisa humbi kotshe ditikoni kwako.

Eksodha 9:2

Nguko u txi lamba ku va leka va txi tsula, u txi va ñola ngu mbimo ya hombe,

Eksodha 8:2

Nga ti u txi lamba ku va leka va txi tsula, ni na tata ditiko dako dotshe ngu makhele.

Eksodha 4:23

Ani ni kugete ti to khani: Leka mwanana wangu wa matiwula a txi tsula, kasiku a txi ya ni thumela! Aniko ngako u txi lamba ku mleka a txi tsula, ani ni na daya mwanana wako wa matiwula.

Eksodha 7:13

Hambi ti di ngeto, mbilu ya Faro yi manekile yi txi banga ngutu, asi tumeli ku va engisa, nga ti Mkoma a nga ti va gelisile tona.

Eksodha 7:15

Tsula ka Faro ni mixo: Nguko ene a na huma a txi ya matini; u na ya m'verela ha tikasani ka mnambo, u di ñote ndonga manzani kwako ayile yi ngadi hindukile yi txi maha mnyoka.

Eksodha 9:7

Faro a to ruma kuya wona sifuyo sa va ka Israyeli, a txo gelwa ti to ni txa tximwetxo txihari txawe kha txa fa. Hambi keto, mbilu ya Faro yi to simama yi txi banga, kha nga va leka vathu va txi tsula.

Eksodha 3:19

Ani na tiziva ti to Faro, mfumeli wa Egipta, kha na mbi mi leka mi txi tsula, hahanze ko kurumetwa ngu dianza da mtamo.

Eksodha 8:11

“Makhele ma na thava kwako, ni mu nyumbani kwako, ni ka mahalamu ako, ni ka vathu vako votshe; ma txi maneka mnamboni ka Nilo dwe.”

Eksodha 9:34

Kambe, Faro, ngako a txi wona ti to mati ni maralala ni singwalangwanda si emile, a to engeta e onha, ni kubangisa mbilu yakwe, ene ni mahalamu akwe.

Dhewuteronome 2:30

Aniko Seyoni, mfumeli wa Hesibhoni, kha hi tumelela ti to hi pinda ngu ditikoni kwakwe, nguko Mkoma, Txizimu txako, a hangalasile moya wakwe ni mbilu yakwe, kasi ku e mningela manzani kwako, nga ti ti nga maheka kala ni nyamsi.

1 Samuwele 6:6

Mi ndi na bangisela txani koko timbilu tanu, kufana ni Vaegipta ni Faro va nga bangisa timbilu tawe kani? Ina msana kova va di va xanisile ngutu, kha va va leka ve tsula, vona kha va tsula kani?