Eksodha 7:13 - Bhiblia Yo Sawuleka

¹³ Hambi ti di ngeto, mbilu ya Faro yi manekile yi txi banga ngutu, asi tumeli ku va engisa, nga ti Mkoma a nga ti va gelisile tona.

Eksodha 7:13 Referans Kwoze

Eksodha 4:21

Se Mkoma a to khene ka Mosi: “Ngako u txi tshumela uya ditikoni ka Egipta, alakanya kuya maha ka Faro sotshe sixamaliso si ni nga si veka manzani kwako; aniko ani ni na bangisa mbilu yakwe ti to asi leki vathu ve huma ve tsula.”

Eksodha 8:15

Aniko Faro mbimo yi a nga wona ti to i txhukwana, mbilu yakwe yi to banga. Ngu mhaka yeto, kha nga va engisa, nga ti Mkoma a nga ti wombile.

Vahebheru 3:13

Ngu toneto, layanani masiku otshe, na ku di ngadi ku txi wombwa ku “Nyamsi” amu ka mibhalo, ati ti wombako athu kasiku ku si vi ni wammweyo hagari kwanu wo ti bangisa, ngu kukanganyiswa ngu txionho.

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Eksodha 10:27

Kambe Mkoma Txizimu txi bangisile kambe mbilu ya Faro, aha ko ene kha tumela ku va leka va txi tsula.

Eksodha 10:20

Kambe Mkoma a to bangisa mbilu ya Faro, aha ko kha sikota kuleka vanana va ka Israyeli ve tsula.

Eksodha 10:1

Msana keto, Mkoma a to khene ka Mosi: “Tsula ka Faro, nguko ni bangisile kambe mbilu yakwe, ni timbilu ta mahalamu akwe, kasi kumaha sikombiso sangu hagari kwawe.

Dhewuteronome 2:30

Aniko Seyoni, mfumeli wa Hesibhoni, kha hi tumelela ti to hi pinda ngu ditikoni kwakwe, nguko Mkoma, Txizimu txako, a hangalasile moya wakwe ni mbilu yakwe, kasi ku e mningela manzani kwako, nga ti ti nga maheka kala ni nyamsi.

Eksodha 14:17

Ani ni na bangisa timbilu ta Vaegipta kasiku va txi mi londeta, kambe ni na dhumiswa ka Faro ni ka yimbi yakwe yotshe, ka sikotxikani sakwe ni ka vagadhi vakwe va mahantxhi.

Eksodha 7:12

Nguko mmwani ni mmwani a to rinza hahatshi ndonga yakwe, se tona ti to hinduka ti txi maha ni tona minyoka. Aniko ndonga ya Aroni yi to ti khadamulela tindonga tile tawe.

Eksodha 7:14

Sekoko Mkoma a to khene ka Mosi: “Mbilu ya Faro yi na ni txitsikivi, wa lamba kuleka vathu va txi tsula.”

Eksodha 7:22

Kambe titxhari ta Egipta, ni tona, ngu wutxhari wa tona ti to maha nga toneto; mbilu ya Faro yi to banga txima kha va engisa, nga ti Mkoma a nga ti wombile.

Eksodha 8:19

Sekoko tiñanga ti to kha tona ka Faro: “Aliya litiho la Txizimu!” Hambi keto, mbilu ya Faro yi simamile yi txi banga, ngu mhaka yeto kha va engisa, nga ti Mkoma a nga ti wombile.

Eksodha 9:7

Faro a to ruma kuya wona sifuyo sa va ka Israyeli, a txo gelwa ti to ni txa tximwetxo txihari txawe kha txa fa. Hambi keto, mbilu ya Faro yi to simama yi txi banga, kha nga va leka vathu va txi tsula.

Eksodha 9:12

Kambe Mkoma a bangisile mbilu ya Faro, se ene kha nga va engisa, nga ti Mkoma a nga ti wombisile tona ka Mosi.

1 Samuwele 6:6

Mi ndi na bangisela txani koko timbilu tanu, kufana ni Vaegipta ni Faro va nga bangisa timbilu tawe kani? Ina msana kova va di va xanisile ngutu, kha va va leka ve tsula, vona kha va tsula kani?

Eksodha 8:11

“Makhele ma na thava kwako, ni mu nyumbani kwako, ni ka mahalamu ako, ni ka vathu vako votshe; ma txi maneka mnamboni ka Nilo dwe.”

Eksodha 8:28

Sekoko Faro a to khene: “Ni na mi leka mi tsula, mi ya maha mphaxo ka Txizimu txanu txiwulani; aniko mi nga yeni kule; ni khongeleleni nani.”

Eksodha 9:35

Ngu kumaha keto, mbilu ya Faro yi to engeta kambe yi banga, kambe kha leka vanana va ka Israyeli va txi tsula, nga ti Mkoma a nga ti wombile ngu txisofu txa Mosi.

2 Makronika 36:13

Hahanze keto, a to wukela mfumeli Nebhukodhonosori, wule a nga ti ti mxambanyisile ngu ditina da Mkoma; kambe a ti bangisile msungo ni mbilu yakwe, asi tshumeleli ka Mkoma, Txizimu txa Israyeli.