Eksodha 7:12 - Bhiblia Yo Sawuleka

¹² Nguko mmwani ni mmwani a to rinza hahatshi ndonga yakwe, se tona ti to hinduka ti txi maha ni tona minyoka. Aniko ndonga ya Aroni yi to ti khadamulela tindonga tile tawe.

Eksodha 7:12 Referans Kwoze

1 Johani 4:4

Sivananananu, anu mi va Txizimu, se mi xute vaprofeti va makuhu. Nguko Moya wu wu ku kwanu mbwa hombe kupinda wule wu ku ka vathu va ha ditikoni.

Eksodha 9:11

titxhari kha ta tsana kuema masoni ka Mosi, ngu mhaka ya sijavi, nguko ni tona ti ti tshapetwe ngu sona, kufana ni votshe Vaegipta.

2 Timoti 3:9

Kambe vona kha va na mbi ya kule ngutu, nguko wuphukuphuku wawe wu na ti kombisa ka votshe, kufana ni wuphukuphuku wa vona vale vavambidi.

Eksodha 7:11

Konako Faro a to ramba titxhari ni vanyamsorwo. Se tona titxhari ta ditikoni ka Egipta ti to maha toneto ngu wutxhari wa tona.

Eksodha 7:13

Hambi ti di ngeto, mbilu ya Faro yi manekile yi txi banga ngutu, asi tumeli ku va engisa, nga ti Mkoma a nga ti va gelisile tona.