Eksodha 7:10 - Bhiblia Yo Sawuleka

¹⁰ Sekoko Mosi ni Aroni va to tsula ka Faro, va to ya maha nga tonti Mkoma a nga va rumisa tona. Aroni a to rinza hahatshi ndonga yakwe, masoni ka Faro ni masoni ka mahalamu akwe, se yona yi to hinduka yi txi maha mnyoka.

Eksodha 7:10 Referans Kwoze

Eksodha 4:3

Se ene a to khene: “Yi tshotshe hahatshi.” Ene a to yi tshotsha hahatshi, se yi to hinduka yi maha mnyoka, se Mosi a to thava ndonga, mbimo yi a nga yi wona.

Luka 10:19

Wonani, ni mi ningile mtamo wa kukanda timamba, tihume, ni kuxula wotshe wurena wa Mlala, kuwalo txilo txi no sikota ku mi mahela to biha.

Marku 16:18

va na ñola minyoka ngu manza, se hambi va txi sela sa txhefu, kha si na mbi va wusela phango; va na sanzeka manza ka valwali, ve kalamuka.”

Amosi 9:3

Hambi ngako va txo ya barama tshokani ka mmango wa Karmeli, na ya va teka, se ni va thavisa kona niya; se ngako va txi ti sisa ka maso angu hahatshi ka linene, aho koko na ruma mnyoka, se wona u na va luma.

Eksodha 7:9

“Nga ti Faro a txi khene: Mahani sidiwukiso ngu didhawa danu; konako u na gela Aroni u txi khawe: Teka ndonga yako u txi rinza hahatshi masoni ka Faro; yona yi na hinduka yi txi maha mnyoka.”

Eksodha 7:15

Tsula ka Faro ni mixo: Nguko ene a na huma a txi ya matini; u na ya m'verela ha tikasani ka mnambo, u di ñote ndonga manzani kwako ayile yi ngadi hindukile yi txi maha mnyoka.

Masalmo 135:9

a rumete sixamaliso ni sidiwukiso, hagari kwako awe Egipta kasi kutsayisa Faro ni sithumi sakwe.

Eksodha 7:6

Sekoko Mosi ni Aroni va mahile nga ti Mkoma a nga va rumisa tona.

Eksodha 7:20

Se Mosi ni Aroni va mahile nga ti Mkoma a nga va rumisa tona. Ene Aroni a to guleta ndonga, e peka mati a mnambo, ma to txitxeka ma txi maha mnoha.

Eksodha 12:28

Vanana va ka Israyeli va to khukha va txi tsula va txi ya maha toneto; nga ti Mkoma a nga womba ka Mosi ni ka Aroni, va to maha nga toneto.