Eksodha 6:6 - Bhiblia Yo Sawuleka

⁶ Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Eksodha 6:6 Referans Kwoze

Dhewuteronome 26:8

Se Mkoma a to hi humisa ditikoni ka Egipta ngu dianza da mtamo, ni diwoko do nawulutwa, hagari ka kudhuka ka hombe, kumweko ni sikombiso ni sidiwukiso;

1 Makronika 17:21

I mani a kuho wo fana ni vathu vako va ka Israyeli, ditiko dimwedo dwe ha mafuni, avale Txizimu txi nga va txhatxhisa ditikoni ka Egipta, kasi ku ti mahela ditina ngu mithumo yo thaviseka, ngu kututumisa matiko masoni ka vathu vako, kani?

Dhewuteronome 7:8

Mkoma a maha tiya nguko wa mi randa, kambe a lava kutsanisa txithembiso txakwe, txi ene a nga va a di xambanyile ka vatate vanu, Mkoma a mi humisile ngu dianza dakwe da mtamo, kambe a mi tirute nyumbani ka wukhumbi, manzani ka Faro, mfumeli wa Egipta.

Eksodha 7:4

Faro koko kha na mbi mi engisa; hambi ka toneto ani ni na veka dianza dangu txitimwi ka Egipta, nina humisa mabutho angu mu ditikoni ka Egipta, vona vathu vangu, vanana va ka Israyeli, ngu sitsayiso sa hombe.

Nehemiya 1:10

Avava i ngadi sithumi sako, ni vathu vako, avale u nga va tirula ngu mtamo wako wa hombe, ni dianza dako da mtamo.

Masalmo 81:6

“Ni humutile makata ako kurwala mrwalo wa kunemela; ni humutile manza ako kurwala masaka.

Dhewuteronome 15:15

Alakanya ti to na nawe u ti ti khumbi ditikoni ka Egipta, ni ti to Mkoma, Txizimu txako, a ku tirute; ngu mhaka ya toneto, ani na kuninga mlayo wuwa nyamsi.

Eksodha 15:13

Ngu wunene wako, u hulukisile ni kutsimbitisa ngamu yako ngu mtamo wako, u va tsimbitisile va txi ya ditikoni kwako ko sawuleka.

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

2 Vafumeli 17:36

Aniko ka Mkoma, a nga mi humisa ngu mtamo wa hombe ditikoni ka Egipta, ni diwoko do nawulutwa, mi na thava enewu, ni ku mkhizamela, mi phaxela kwakwe.

Dhewuteronome 4:23

Ti woneleni mi si divali txitumelelano txi Mkoma, Txizimu txanu, a nga txi maha ni nanu, mi si thuki mi ti mahela txifananiso txo wumbwa, txa tximaha txihi ni txihi, a txi Mkoma, Txizimu txanu, a nga mi tsimba.

Isaya 9:21

Manasi a na wukela Efrayime, se Efrayime a na wukela Manasi, se ngu wumbidi wawe va na wukela Judha. Se ngu totshe tiya, txiviti txakwe kha txi gumi, ni dianza dakwe a nga ti di guletile.

Eksodha 6:29

Mkoma a wombile ka Mosi a txi khene: Ani ngani Mkoma; womba ka Faro mfumeli wa Egipta, totshe ti ani ni kugelako.

Eksodha 6:8

Ngu msana ani ni na mi yisa ka ditiko di ni nga thembisa ngu txixambanyo ka Abrahamu, ka Isaake ni ka Jakobe; kambe ni na mi ninga di txi maha thomba yanu; ani ngani Mkoma.

Eksodha 6:2

Txizimu txi wombile kambe ka Mosi txi txi kha txona: “Ani ngani Mkoma!”

Isaya 9:12

Vasiriya va nata ngu wutxani, se Vafilista va nata ngu wuphemba, ve ta khadamula Israyeli ngu txisofu txo asama; hambi keto, kuhenya kwakwe kha ka pinda, aniko dianza dakwe di ngadi nawulutilwe.

Isaya 9:17

Ngu toneto, Mkoma kha na mbi tsakiswa ngu majaha a dona, kambe kha na mbi va ni wusiwana ni vo felwa ngu vaveleki, ni tinoni, nguko votshe mba magwava, ni wubihi, sotshe sisofu si womba-womba wuphukuphuku. Se ngu mhaka yiya yotshe, kuhenya kwakwe kha ku pindi, aniko dianza dakwe di ngadi nawulutilwe.

Mithumo 13:17

Txizimu txa ditiko diya dathu va ka Israyeli, txi sawute vatate vathu, txi va guleta vathu vava, va di ngadi ditikoni ka Egipta.

Eksodha 1:11

Se Vaegipta va to veka vahombe va tihunzu, ti to ve xupha Vaisrayeli, ngu mithumo ya txibhalo. Va to akela Faro madhoropa a Pitomi, ni Ramusesi, amu ku nga ti ni ko veketela kona silo sakwe.

Eksodha 2:11

Ka masiku oneyo, Mosi i di wa hombe a to huma kasiku eya wona va ka kwawe; ahale a nga wona mathumelo awe o nemela, txitimwi kwawe; a to wona kambe Muegipta wokari a nga txi peka mmweyo wa mwanawe wa Muhebheru.

Eksodha 12:41

Ka ditshiku di ku nga ti guma 430 wa malembe, mabutho a tiyimbi ta Mkoma ma manekile ma txi huma ditikoni ka Egipta.

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.

Eksodha 13:3

Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.

Eksodha 13:14

Ngako mangwana wa ditshiku vanana vanu va txi mi wotisa va txi kha vona: “Toneto ti womba txani kani?” Mi na xamula mi txi khanu: Mkoma a hi humisile ditikoni ka Egipta, nyumbani ka wukhumbi, ngu dianza da mtamo.

Eksodha 16:6

Sekoko Mosi ni Aroni va to womba ka msengeletano wa vanana va ka Israyeli, va txi kha vona: Ni minova mi na tiziva tito, Mkoma ngene a nga mi humisa ditikoni ka Egipta.

Eksodha 18:1

Jetro, mphaxeli wa Midhiyani, msade wa Mosi, a to engisa totshe ti Txizimu txi nga maha ka Mosi ni ka Israyeli, i ku vathu va txona; ngako Mkoma a nga ti humisile Israyeli ngu Egipta.

Dhewuteronome 4:34

Mwendo njizimu txokari txi nga duketa kuya teka vathu hagari ka vamwani vathu, ngu mithumo ni sikombiso, ni sixamaliso, ni kulwa ngu dianza do tsana, di nga guleka ni mithumo ya hombe yo thisa ku nga totshe tile Mkoma, Txizimu txako, a nga ti maha ditikoni ka Egipta, na anu mi txi ti wona kani?

Dhewuteronome 5:15

Alakanya ti to nawe u ti ti khumbi ditikoni ka Egipta, ni ti to Mkoma, Txizimu txako, a ku humisile koneyo ngu dianza da mtamo ni diwoko do guleka. Ngu mhaka ya toneto, Mkoma, Txizimu txako, a ku leletete ti to u vekisa ditshiku da Sabbata.

Dhewuteronome 6:12

Ti wonele, u si divali Mkoma, a nga kuhumisa ditikoni ka Egipta, ka nyumba ya wukhumbi.

Jeremiya 21:5

Ani nipune ni na lwa ni nanu ngu dianza di di guletilwe, ngu diwoko da mtamo, ni kuhenya, ni kuswireka, ni txiviti txa hombe.

Jeremiya 32:21

u to humisa vathu vako va Israyeli ngu ditikoni ka Egipta ngu sikombiso ni sixamaliso, ngu dianza da mtamo di nga nawulutwa, ni kuxamalisa ko thisa.

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Eksodha 7:5

Sekoko Vaegipta va na tiziva ti to ani ngani Mkoma, ngako ni txi nawuluta dianza dangu txitimwi ka Egipta, ni txi humisa vanana va ka Israyeli hagari kwawe.

Eksodha 13:16

Nguko eto ti nava i di txikombiso kwako, i di txialakanyiso ha mbanza kwanu, nguko Mkoma a hi thavisile ditikoni ka Egipta ngu mtamo wakwe wa hombe.

Eksodha 32:11

Mosi a to khongela ka Mkoma, Txizimu txakwe, a txi khene: “Mkoma, ngu kutxani kuhenya kwako ku txi tura u txi wukela vathu vako, avale u nga va humisa ditikoni ka Egipta, ngu mtamo wa hombe ni dianza do tsana kani?

Dhewuteronome 7:19

Sikarato sa hombe, asi maso ako ma nga si wona, sikombiso ni sidiwukiso, asile dianza do tsana ni diwoko do nawulutwa, adile Mkoma, Txizimu txako, a nga kuhumisa ngu dona. Mkoma, Txizimu txako, a na mahisa toneto ngu vale vathu u va thavako!

Dhewuteronome 9:29

Aniko, vona mbathu vako ni thomba yako; awe ngawe u nga va humisa wukhumbini, ngu mtamo wako wa hombe, ni diwoko dako da wundena.

Dhewuteronome 11:2

Se nyamsi mi na tiziva tito, kha ni wombawombi ni vanana vanu, ava va si tiziviko, ni va va nga mbi ti wona, ati a nga gondisa Mkoma, Txizimu txanu, wuhombe wakwe, dianza dakwe do tsana, ni diwoko dakwe da mtamo;

1 Vafumeli 8:42

(nguko va na pfa ngu ditina dako da hombe, ni dianza dako da mtamo, ni diwoko dako do nawuluka), se a txi ta khongela ka yiya nyumba.

Masalmo 77:16

Mbimo yi linene li nga kuwona awe Txizimu, li to thava; ni kutshimani ka mati ku to dhudhumela.

Masalmo 81:7

Kuxanisekani kwako, u ni dhani ni ta kuhanyisa; ni ku angute, ni di direfuni ka txingwalangwanda, awe u nga ni duka matini ka Meribha.

Masalmo 81:11

Kambe ngamu yangu kha ya lava ku ni engisa; Israyeli kha komba kukhatala ngu ngani!

Jeremiya 27:5

Ngani ni nga va nga ditiko, ni vathu, ni sihari si si kuho ha mafuni, ngu mtamo wangu wa hombe ni diwoko dangu di nga nawuluka, na si ninga ka wu ni randako ku mninga.

Ezekhiyele 20:33

Na hanya ani, kuwomba Mkoma Txizimu, nguko ngu dianza da mtamo, ni diwoko do nawuluka, ni kuhenya ku nga theketwa, ni na fuma txitimwi kwanu.