Eksodha 6:5 - Bhiblia Yo Sawuleka

⁵ Se ni engisile kudila ka vanana va ka Israyeli, avale va xuphwako ngu Vaegipta, ni za ni txi alakanya txitumelelano txangu.

Eksodha 6:5 Referans Kwoze

Eksodha 2:24

Se Txizimu txi engisile kudila kwawe, Txizimu txi to alakanya txitumelelano txi txi nga txi maha ni Abrahamu, ni Isaake ni Jakobe.

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Luka 1:72

Kasiku e maha wumbilu ka vatate vathu, a txi khumbuka txitumelelano txakwe txo sawuleka.

Luka 1:54

A vhunetete Israyeli, i ku txithumi txakwe, na a txi alakanya wumbilu wakwe,

Masalmo 105:8

Mkoma wa alakanya yotshe mbimo txitumelelano txi a nga tximaha, txitumelelano txi a nga xambanya ku txi veketa ka tiveleko ta magumi a mazana.

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Genesisi 9:15

sekoko ni na alakanya Txitumelelano txangu, txi ku hagari kwangu ni nanu, ni sotshe si si hanyako ha mafuni. Konaho mati kha ma na mbiswa ma txi maha ndambi ya kufuvisa sotshe sivangwa.

Genesisi 8:1

Se Txizimu txi to alakanya Nowa ni sotshe sihari sa txitinga ni sotshe sifuyo si a nga ti naso ngalavani; Txizimu txi to maha diphuho di txi futeta txitimwi ka ditiko, se mati ma to khata kuphwa.

Eksodha 2:23

Ku to maheka taku, msana ka masiku awa, a txifa mfumeli wa Egipta; vanana va ka Israyeli va to maneka va di kuxuphekani ka hombe, ngu mhaka ya wukhumbi wawe; va to dila, se huwa yawe yi to kwela yi txi hoka ka Txizimu.

Eksodha 5:4

Sekoko mfumeli wa Egipta a to khene kwawe: “Awe Mosi ni Aroni, ngu kutxani mi txi lava kukhulumetela vathu mthumoni kwawe kani? Tsulani mi txi ya thuma.”