Eksodha 6:27 - Bhiblia Yo Sawuleka

²⁷ Ngu vona va Aroni ni Mosi va nga womba ka Faro, mfumeli wa Egipta, va txi kha vona: Humisa va ka Israyeli ditikoni ka Egipta.

Eksodha 6:27 Referans Kwoze

Mika 6:4

Kha ditshuri ni mi humisile ditikoni ka Egipta, ni ka nyumba ya wukhumbi ni mi tirute, kambe ni vekile Mosi, ni Aroni, ni Meriamo, masoni kwanu.

Masalmo 77:20

U tsimbitisile vathu vako kota m'dyisi wa mtxhambi, ngu manza a Mosi ni Aroni.

Eksodha 33:1

Mkoma a to khene kambe ka Mosi: “Tsula, kwela ngu hawa, awe ni vathu va u nga va humisa ditikoni ka Egipta, ka ditiko dile ni nga xambanya ka Abrahamu ka Isaake ni txi khani: Ni na di ninga ka liveleko lako.

Eksodha 32:7

Sekoko Mkoma a to khene ka Mosi: Tsula, relela, nguko vathu vako, avale u nga va humisa ditikoni da Egipta, va onhile.

Eksodha 7:10

Sekoko Mosi ni Aroni va to tsula ka Faro, va to ya maha nga tonti Mkoma a nga va rumisa tona. Aroni a to rinza hahatshi ndonga yakwe, masoni ka Faro ni masoni ka mahalamu akwe, se yona yi to hinduka yi txi maha mnyoka.

Eksodha 6:26

Aroni ni Mosi, ngu vale Txizimu txi nga womba kwawe txi txi kha txona: Humisani vanana va ka Israyeli ditikoni ka Egipta, ngu mabutho awe a tiyimbi.

Eksodha 6:13

Konako Mkoma a to gela Mosi ni Aroni ti to ve womba ka vanana va ka Israyeli ni ka Faro, mfumeli wa Egipta, to vona va rumilwe kuhumisa va ka Israyeli ditikoni ka Egipta.

Eksodha 6:28

Ka ditshiku di Mkoma a nga womba ka Mosi ditikoni ka Egipta,

Joxuwa 24:5

Ngu msana ni rumete Mosi ni Aroni kasi kuxanisa Egipta ngu sidiwukiso si ni nga maha hagari kwakwe; kambe ngu msana, ni mi humisile kona.

1 Samuwele 12:6

Sekoko Samuwele a to khene ka vathu: Mkoma ngene a nga sawula Mosi ni Aroni e humisa vatate vanu ditikoni ka Egipta.

Masalmo 105:26

Se Txizimu txi to ruma txithumi txa txona Mosi ka Aroni, awu txi nga msawula.