Eksodha 6:26 - Bhiblia Yo Sawuleka

²⁶ Aroni ni Mosi, ngu vale Txizimu txi nga womba kwawe txi txi kha txona: Humisani vanana va ka Israyeli ditikoni ka Egipta, ngu mabutho awe a tiyimbi.

Eksodha 6:26 Referans Kwoze

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.

Eksodha 12:17

Mi na vekisa m'buso wa mapawu o mbi tshumbelwa nguko ngu ka dona ditshikudo ni nga maha ti to dibutho danu da yimbi di txi huma ditikoni ka Egipta. Anu ditshiku diya mi na di vekisa ni tiveleko tanu, awuwa i mthetho wa yotshe mbimo.

Eksodha 7:4

Faro koko kha na mbi mi engisa; hambi ka toneto ani ni na veka dianza dangu txitimwi ka Egipta, nina humisa mabutho angu mu ditikoni ka Egipta, vona vathu vangu, vanana va ka Israyeli, ngu sitsayiso sa hombe.

Eksodha 6:13

Konako Mkoma a to gela Mosi ni Aroni ti to ve womba ka vanana va ka Israyeli ni ka Faro, mfumeli wa Egipta, to vona va rumilwe kuhumisa va ka Israyeli ditikoni ka Egipta.

Mitengo 33:1

Aawa ngu ona mapfhumba a vanana va ka Israyeli, va nga huma ngu ditikoni ka Egipta, madingano ni mabutho awe, ngu dianza da Mosi ni da Aroni.

Mika 6:4

Kha ditshuri ni mi humisile ditikoni ka Egipta, ni ka nyumba ya wukhumbi ni mi tirute, kambe ni vekile Mosi, ni Aroni, ni Meriamo, masoni kwanu.

Masalmo 99:6

Mosi ni Aroni i ti vaphaxeli vakwe Samuwele i ti mmweyo wa vale va dhumisako ditina da Mkoma; vona va dhani Mkoma, se ene a va xamute.

Masalmo 77:20

U tsimbitisile vathu vako kota m'dyisi wa mtxhambi, ngu manza a Mosi ni Aroni.

1 Makronika 6:3

Se vanana va Amiramu i Aroni, ni Mosi, ni Miriyamu; vanana va Aroni i Nadhabhi, ni Abhiyu, ni Eleyazari, ni Itamari.

1 Samuwele 12:8

Mbimo yile Jakobe a nga wulela Egipta, vatate vanu va to dila ka Mkoma, se Mkoma a to rumela Mosi ni Aroni, i ku vona va nga humisa vatate vanu Egipta ve ta va veka ka wukhalo wuwa.

1 Samuwele 12:6

Sekoko Samuwele a to khene ka vathu: Mkoma ngene a nga sawula Mosi ni Aroni e humisa vatate vanu ditikoni ka Egipta.

Joxuwa 24:5

Ngu msana ni rumete Mosi ni Aroni kasi kuxanisa Egipta ngu sidiwukiso si ni nga maha hagari kwakwe; kambe ngu msana, ni mi humisile kona.

Eksodha 32:11

Mosi a to khongela ka Mkoma, Txizimu txakwe, a txi khene: “Mkoma, ngu kutxani kuhenya kwako ku txi tura u txi wukela vathu vako, avale u nga va humisa ditikoni ka Egipta, ngu mtamo wa hombe ni dianza do tsana kani?

Eksodha 32:7

Sekoko Mkoma a to khene ka Mosi: Tsula, relela, nguko vathu vako, avale u nga va humisa ditikoni da Egipta, va onhile.

Eksodha 32:1

Se mbimo yile vathu va nga wona taku Mosi wa swela kurelela ngu mmangoni, vathu va to tshuketa ka Aroni, va txi m'gela tiya: “Khukha u txi hi mahela sizimu si si no thangela masoni kwathu; nguko ene Mosi wuwa, i ku wamwamna wu a nga hi humisa ditikoni ka Egipta, kha hi txi zivi atxi txi nga m'humelela.”

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Eksodha 13:18

Konako, Txizimu, txi mahile ti to vathu va txi tenderuka ngu nzila ya txiwula hafuhi ni lineneni lo Bhilivila; kambe vanana va ka Israyeli va humile ngu ditikoni ka Egipta va di xomile.

Eksodha 6:20

Amiramu a to tekana ni Jokabhedhi, hahani wawe, awu a nga veleka nayo Aroni ni Mosi. Amiramu a hanyile 137 wa malembe.

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

Genesisi 2:1

Wu gwitisile tiya mthumo wa kuvangwa ka nzuma ni mafu, ni sotshe si si nga tumbulukiswa.

Eksodha 12:41

Ka ditshiku di ku nga ti guma 430 wa malembe, mabutho a tiyimbi ta Mkoma ma manekile ma txi huma ditikoni ka Egipta.